Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Ndopvi nde hufanyo ye nyandzo ya Jehovah ?

 MSOMO 6

Faïda hindri rihundrao ha hushirikiana ne Mazahidi wa Jehovah wa saya ?

Faïda hindri rihundrao ha hushirikiana ne Mazahidi wa Jehovah wa saya ?

Bushini

Norvege

Liban

Italie

Ili huhudhuria daïma harumwa mihundrano ya hatru, ngasi tayari ya hudunga ndzia ya msiru ya hatwari au hukabili hali ya hawa ndziro. Mashaka ya maesha au ulemevu wa usiku wa hazi kazitsu rizia ya hutsanganyiha pvadzima na Mazahidi wa Jehovah wa saya. Mavuna hindri yahe ze jitihadi zinu ?

Mkayo wa faïda wa hatru. Swahaba Bolos ha lalika o washirikiana harumwa o mtsanganyio « wafikiriana baïna ya hawo », yaani wafundishie hujulana (Waebrania 10:24). He makalima yanu, ngu rijadidisho rishuhulihana ha umakini no wandru wa rwajina. Ha hutsaha hujua washirikiano waho mtsanganyio, ngari tanabahio huka wa shindi wagamatra mashaka hama ndayo riliona yo. Yapvo, ngwajo shinda warisaïdie rifuzu ye mashaka ya hatru.

Uwandzani udumuo. Harumwa mihundrano ya hatru, karitsu hundrana no wandru riwajuao basi, imma, ndo wandzani wa hatru. Ha mikabala ya saya, ngari pvitsao wakati pvadzima harumwa ntsapvuho njema. Faïda hindri ndo rihundrao he mishirikiano yinu ? Ngari fundishiao rijipvizane baïna ya hatru, iyo nde yitriao ze nvuu za mfungatsano wa mahaba wa hatru. Yapvo, eka mdzima harumwa si ha hundrana ne mashaka, ngari msaïdiao ha hiari, ha sababu mfungatsano wa uwandzani mhodari wufanyishiha (Mithali 17:17). Ha hushirikiana pvadzima no wandru pia waho mtsanganyio wa hatru, ngari onesao huka ngasina « mshuhuliho sawa baïna ya hatru » (1 Wakorintho 12:25, 26).

Ngari utriao jitihadi utsaue o wandzani, wala wafanyao ze nyandzo za Mungu. Ngojo parisa wandzani wanu pvadzima ne Mazahidi wa Jehovah. Utsi ruhusu mundru ya uzie hukurubie na sisi !

  • Ze habari hindri iyo muhimu hushirikiana harumwa mitsanganyio ya hatru ?

  • Ngo andzo ujulane no mtsanganyio wa hatru ndi ?