Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Imani ya kweli : Siri ya huongoza Maesha ya furaha

 FUNVU 4

Mungu woyi ndo ?

Mungu woyi ndo ?

WANADAMU ngwa ambuduo miungu minji. Sha, Mandzishi Matukufu ngaya somesao huka ngapvo Mungu wa kweli mdzima. Yeye kana mfano, ye mhuu kabisa na wa daïma. Ha umbu haïna hindru shontsi ho mbinguni na shipvendre juu mwantsi. Yeye nde ya rinika maesha. Yeye waye tshe ustahiki ya ambudulwa.

Sharia sha nikiwa mtrume Musa shiparwa makalima ya rongolwa ne malaïka.

Mungu ngena dzina. Le dzina la hahe nde JEHOVAH. Ha lipvenulia mtrume Musa : « Zinu ndizo ujo ambia o wana wa Israeli : “Jehovah ye Mungu waho wa mzayani, Mungu wa Ibrahim, Mungu wa Isihaka na Mungu wa Yankubu, ha nipveha husoni mwa nyu.” Linu nde le dzina la hangu pvatsina mpaka na linu nde le besheleo la hangu laho wazalwa leo no wajoka uzalwa » (Mroho 3:15). Le dzina Jehovah liparihana kadiri ya mara 7 000 harumwa Mandzishi Matukufu. Ngari somao harumwa Zaburi 83:18 : « Wewe ikao le dzina la haho nde Jehovah, ngawe, wawe tshe, ye Mhuu pvo yipvandre juu mwantsi pia ! »

Loho ya Mandzishi ya hale ngayona le dzina la Mungu (Bahari ya Shumvi).

Kapvatsi mundru ujo paro huona Mungu. Mungu ha eledza Musa : « Kuna ushinda huone o uso wa hangu, maana kapvatsi mundru yajo shinda ya nione yaeinshi » (Mroho 33:20). Mungu ye hueishi ho mbinguni na yeye kaoneha no wanadamu. Yo kosa hufanya au hurumia sinamu, pitsha au mfaniso wa Mungu wa saya ili huswali. Jehovah Mungu ha nika Musa ye amri yinu : « Kutsu ladhimu ujifanyie sinamu ya swanaa, wala mfano wa shindru shitsokao ho mbinguni au duniani, au mironi ya maji ntsini mwa shipvandre juu mwantsi. Kutsu ladhimu usujudie usoni mwa wo wala wa uzaïni uwarumishihe, maana mimi Jehovah, Mungu wa haho, ngami Mungu hudaï mfugatsano kamili » (Mroho 20:2-5). Tsena, Mungu ha rongoa he hanywa ya Isaya : « Mimi nde Jehovah. Linu nde le dzina la hangu ; na ntsina hunika mundru utukufu wa hangu wala swifa za hangu ha masinamu ya swanaa » (Isaya 42:8).

Wandru wenji ngwa aminio Mungu, sha ngwa fikirio huka kwana hushinda wamjue wala wake karibu na ye ; ha wowo, ipasa wamrie badala ya humwandza. Ngo fikiri je ? Eba Mungu ngu pvendzo, wewe ? Eba hakika, ujo shinda umjue na ukaye karibu na ye ? Nari tunde izo Mandzishi ya onesao uhusu ze swifa za Mungu.