Aller au contenu

Aller au sous-menu

Aller au sommaire

Mazahidi ya Jehovah

Shikomori (Ngazidja)

Habari njema zalawa hoha Mungu !

 MSOMO 6

Twamaa hindrini yilio no wa hafa ?

Twamaa hindrini yilio no wa hafa ?

1. Habari njema hindri yahusu no wa hafa ?

Wakati Isa yaka duniani, hakana mwandzani yaparwao Lazare, ho mjini wa Bethanie, karibu na Jerusalem. Usiku, Lazare ya hafa, Isa ha waswili ye ntsihu ya nne, naye hufa. Isa hende ho mazamoni ndaye na Marthe na Marie, o wana washe wahe mauti. Haraka, umati uhudhuria. Eba, ngo fikiri ye furaha ya Marthe na Marie, wakati Isa ya rejeza Lazare o uhaï ? — Soma Yohana 11:21-24, 38-44.

Tayari, Marthe haka hujua ye habari njema yahusu o wa hafa. Haka hujua huka Jehovah ngujo banthwi o wa hafa, ili wa einshi shipvandre jumwantsi. — Soma Ayubu 14:14, 15.

2. O wa hafa ngwao harumwa hali hindri ?

Mungu ha mwambia Adam : “ Ngawe kafu, ngojo rejeï kafu. ” — MWANDO 3:19.

O wanadamu wa umbwa he le kafu (Mwando 2:7 ; 3:19). Karitsina nafusi harumwa ziungu za hatru, sisi nafusi. Riumbwa ha nyama na damu, yapvo, eka rifu kapvatsi hindru shieinshio, ngari rejeio kafu. Wakati ngari fao, o wongwe wa hatru ngo fao wajau, ze fikira za hatru ne maunio ya hatru nga rorao. Na yapvo, o wa hafa kawatsi hashiri, Lazare kaja amba ndrongoo uhusu o mfo wa hahe. — Soma Mhubiri 9:5, 6, 10.

Eba, Mungu ngu taabisho o wanadamu harumwa o mro, baada wa hafa ? Hama nde hali ye Biblu ya onesa, o  wa hafa kwatsi hashiri, ye intikadi yahe nari jahanama, yo ndrambo, yi kaliao Mungu. Ye fikira ikao Mungu ngu taabisho wanadamu harumwa mro, yo humtukiya. — Soma Yeremia 7:31.

3. Eba, o wa hafa ngwa shindao wari rongoze ?

O wa hafa kwatsu rongoa wala kwatsu ishia (Zaburi 115:17). Lakini, ngapvo malaïka ya peu, nadi nadi, ngwa zaïnio wandru, haujirenda hama ndo wa hafa (2 Butrus 2:4). Jehovah ngu haramisho hujusa o wa hafa. — Soma Mkumbusho wa Taureta 18:10, 11.

4. Ndopvi nde ujo banthilwa ?

Ma milioni ya wandru wa hafa ngwajo rejeziwa duniani. Hata baadhwi watsu jua Mungu, wafanya ndrongo mbi, ngwajo banthilwa.— Soma Luka 23:43 ; Zitrendwa 24:15.

Wajo banthilwa, ngwajo kana bahati ya hujua ze kweli uhusuana Mungu, na onesa ye imani ya hawo uhusu Isa, ha humtweï (Ufunuo 20:11-13). Wandru wa fanyao njema ngwajo furahishiwa ha hu’einshi daïma shipvandre jumwantsi. — Soma Yohana 5:28, 29.

5. O mbanthwi, ngo risomesao hindrini uhusu Jehovah ?

Mungu ha wakinisha ye twamaa ya ubanthilwa, ha hupveha mwana wa hahe yafe ha sababu ndasi. O mbanthwi, ngo risomesao ndrongoo zinji uhusu ye mahaba ya Mungu, ne fadhwila yatsu stahikilwa ya hahe. Ndopvi ujo jipviwa umone ya banthwilwa haswa ? — Soma Yohana 3:16 ; Waroma 6:23.