Biiyaʼ guiraʼ ni nuu lu sitiu riʼ

Ximodo ruundanécabe binni Biblia

Ximodo ruundanécabe binni Biblia

Ricabi ca testigu stiʼ Jiobá stale guendarinabadiidxaʼ ora ruundanecaʼ binni Biblia. Caadxi de laacani nga:

  • Tuu nga Dios

  • Ñee dxandíʼ rizaalaʼdxiʼ Dios naa la?

  • Xi zanda guneʼ para chuʼ xquendaxheelaʼ naguidxi

  • Ximodo zanda guibaneʼ nayecheʼ

Yanna, chiguicábidu cani nabé rinabadiidxaʼ binni de modo rúʼndanedu tuuxa Biblia.

Ximodo rusiidicabe binni. Rúʼndanedu binni Biblia pur tema. Casi pa cayúʼndanenu ti binni de xiixa tema ni caníʼ de Dios o de guendaxheelaʼ la? zadúʼndanedu laa ca versículo ni caníʼ de tema ca. Ora guchaagadu ca versículo riʼ, ridúʼyadu xipeʼ nga rusiidiʼ Biblia de tema ca, ne pa qué guiénedu xiixa relatu la? laaca Biblia rusiene ni laadu.

Ora ridúʼndanedu binni Biblia riquiiñedu libru Xipeʼ ndiʼ cusiidiʼ Biblia, purtiʼ nabé racaneni laadu. Libru riʼ cusiene chaahuiʼ xi riníʼ Biblia de Dios, de Jesús, de ni chiguizaaca despué ne de xcaadxi cosa.

Pagala ruquíxecabe para guʼndanécabe binni Biblia. Nin ti bexu qué ruquíxedu binni ne qué rutoʼdo ca libru ne ca revista ni riquiiñedu.

Pabiáʼ rindaacabe ora ruundanécabe binni Biblia. Stale binni riná gúʼndanedu laa biaʼ ti hora guiráʼ semana. Peru cadi maca nexheʼ pabiáʼ guindaani. Zanda gúʼndanedu lii biaʼ tiempu naluʼ.

Laga pa guinabaʼ guʼndanécabe naa Biblia yaʼ. Ziganna ti testigu stiʼ Jiobá lii hora ne lugar gacalaʼdxuʼ para guluíʼ lii ximodo rúʼndanedu binni Biblia. Pa chuulaʼdxuʼ ni ne naluʼ guiziidiluʼ jma la? ziuulaʼdxiʼ Testigu ca chiganna lii stiʼ biaje.

Ñee naquiiñepeʼ gacaʼ testigu stiʼ Jiobá pa guʼndanécabe naa Biblia la? Coʼ. Laadu, ca testigu stiʼ Jiobá, riéchedu gusíʼdidu binni de Biblia ne qué rucaʼdu laacaʼ gácacaʼ de religión stidu. Ni rúnidu nga rusiénedu laacabe né stale respetu ni rusiidiʼ Biblia ne nánnadu laacabe nga nápacabe derechu cuícabe xi guni crécabe (1 Pedro 3:15).