Biiyaʼ guiraʼ ni nuu lu sitiu riʼ

¿Ñee caquiiñepeʼ gacaʼ testigu stiʼ Jiobá pa guni estudiarnécabe naa Biblia la?

¿Ñee caquiiñepeʼ gacaʼ testigu stiʼ Jiobá pa guni estudiarnécabe naa Biblia la?

Coʼ, cadi nuuluʼ obligadu gácaluʼ testigu. Huayuni estudiárnedu stale millón de binni Biblia ne qué rácacaʼ testigu. * Programa ni nápadu para guni estudiárnedu binni gúcani para guluidu lii xi rusiidiʼ Biblia. Maʼ lu naluʼ riaana gúʼyaluʼ xi gúniluʼ né ni guiziidiluʼ. Maʼ binni nga guʼyaʼ xi religión gapa (Josué 24:15).

¿Ñee zanda iquiiñeʼ Biblia ni maca napaʼ ora guni estudiarnécabe naa la?

Zanda pue. Peru laadu riuuláʼdxidu iquiiñedu Traducción del Nuevo Mundo de las Santas Escrituras, ti versión ni riquiiñeʼ diidxaʼ riníʼ binni yanna. Pa naluʼ la? zanda gudiʼdu lii ti Biblia sin quíxeluʼ. Peru laaca zanda iquiiñeluʼ Biblia stiluʼ pa jma riuuláʼdxiluʼ ni. Casi né guiráʼ traducción de Biblia zanda guiziidiluʼ de mensaje ni rudii esperanza ne ni rulá binni.

¿Xiñee runi estudiárnetu ca binni ni qué raca testigu stiʼ Jiobá?

  • Razón jma risaca ni nuu nga purtiʼ nadxiidu Jiobá, ni racaláʼdxibe nga, laadu ca xpinni Cristu, gusíʼdidu xcaadxi binni de ni cazíʼdidu (Mateo 22:37, 38; 28:19, 20). Para laadu la? ti privilegiu naroʼbaʼ nga «runi né du Dios dxiiñaʼ» tobi si ne gacanedu binni ganna ni rusiidiʼ Biblia (1 Corintios 3:6-9).

  • Sti razón ni nuu nga purtiʼ nadxiidu binni (Mateo 22:39). Riuuláʼdxidu güínedu xcaadxi binni de ca cosa sicarú ni maʼ huazíʼdidu (Hechos 20:35).

^ párrafo 2 Zadxagayaaluʼ ora gánnaluʼ panda binni runi estudiárnedu Biblia, lu iza 2018 biʼniʼ estudiárnedu 10,079,709 binni Biblia guiráʼ beeu, nuu de laacabe gucuaacabe estudiu tiempu ca biʼniʼ estudiárnedu xcaadxi binni. Peru 281,744 si binni guyuunisa para gaca testigu stiʼ Jiobá iza ca.