Biiyaʼ guiraʼ ni nuu lu sitiu riʼ

Ñee naca ca testigu sti’ Jiobá ti religión protestante la?

Ñee naca ca testigu sti’ Jiobá ti religión protestante la?

Co’. Ca testigu sti’ Jiobá xpinni Cristu laadu ne cadi protestante di’ laadu. Xiñee ya’.

Ti religión protestante nga cani rucaalú cani rusiidi’ Iglesia Católica Romana. Ne neca qué rinándadu cani rusiidi’ Iglesia Católica cadi protestante di’ laadu. Guidú’yanu chupa razón:

  1. Stale de cani rusiidi’ ca protestante gadxé cani de cani rusiidi’ Biblia. Guidú’yanu ti ejemplu. Qué ruzeete’ di’ Biblia naca Dios ti Trinidad, sínuque rusiidini «tobi lucha Dios nuu» (1 Timoteo 2:5; Juan 14:28). Laaca qué rusiidi’ di’ Biblia runi castigar Dios binni malu ndaani’ infiernu, sínuque Biblia na zanitilú guirá’ binni malu (Salmo 37:9; 2 Tesalonicenses 1:9).

  2. Qué racalá’dxidu gucha’du ni rusiidi’ Iglesia Católica ne nin ni rusiidi’ xcaadxi religión. Ni rúnidu nga rusí’didu binni xi guirá’ cosa sicarú chiguni Reinu sti’ Dios ne racanedu binni guni cré cani (Mateo 24:14; 28:19, 20). Qué racalá’dxidu gucha’du ni rusiidi’ nin ti religión, sínuque ni racalá’dxidu nga gusí’didu binni gunibia’ chaahui’ Dios ne cani zeeda lu Stiidxabe (Colosenses 1:9, 10; 2 Timoteo 2:24, 25).