Biiyaʼ guiraʼ ni nuu lu sitiu riʼ

guyé lu índice

 CANCIÓN 90

Cúʼsaanu gana laanu

Select an Audio Recording
Cúʼsaanu gana laanu

(Hebreos 10:24, 25)

  1. 1. Pa cuʼnu gana ca hermanu

    ra guninu ni ná Jiobá,

    jma zannaxhiinu de guiranu

    ne tóbisi ziúʼnenu iráʼ.

    Nadxii de iráʼ ca xpinni Diuxi,

    ne nga rudii laanu valor,

    nin gastiʼ qué zuchibi laanu

    pa nuunu ndaaniʼ xquidxi Dios.

  2. 2. Ora nuu yuubaʼ ladxidoʼno,

    pur xiixa ni cadídinu,

    caquiiñepeʼ tu quixhedxí ni

    né xiixa diidxaʼ sicarú.

    Galán nga nuu guiráʼ hermanu,

    nadxiicaʼ stálepeʼ Jiobá,

    ne racanenu de guiranu,

    ti guanu iráʼ ca yuubaʼ ca.

  3. 3. Jiobá cayabi de guiranu,

    dxi stiʼ, mayaca guedandá,

    nga runi guidagulisaanu

    ne cuʼnu gana de guiráʼ.

    Ra chuʼnu tobi si guiranu,

    rihuinni guendarannaxhii;

    ra cuʼnu gana ca hermanu,

    zusiéchenu Dios ni dxandíʼ.