Biiyaʼ guiraʼ ni nuu lu sitiu riʼ

guyé lu índice

Cani rinabadiidxaʼ binni de biblia

Cani rinabadiidxaʼ binni de biblia

Ñee zanda gánnanu ni dxandíʼ de Dios la?

Xiñee racalaʼdxiʼ Dios gánnanu ni dxandíʼ. Biindaʼ Juan 17:3

Huaniʼné Dios binni guidxilayú. Biquiiñebe espíritu santu o stipa stibe para gúdxibe ca hombre bicaa Biblia gucaacaʼ ni ná xquendabiaanibe (2 Pedro 1:20, 21). Nga runi, zanda gunibiaʼnu Dios ra guidúʼndanu Stiidxaʼ. (Biindaʼ Juan 17:17 ne 2 Timoteo 3:16.)

Lu Biblia rusiidiʼ Dios laanu stale cosa de laa. Rusiénebe xiñee bizaʼbe binni, xi zúnibe pur laacaʼ ne ximodo racaláʼdxibe guibánicaʼ (Hechos 17:24-27). Racalaʼdxiʼ Jiobá gánnanu ni dxandíʼ de laa. (Biindaʼ 1 Timoteo 2:3, 4.)

Xi riníʼ ique Dios de cani ruyubi ganna de laa

Jiobá nga Dios ni qué rusiguii ne biseendabe Xiiñibe, Jesucristu, para gusiidiʼ laanu ni dxandíʼ. Nga runi, cani ruyubi ganna ni dxandíʼ rinándacaʼ cani bisiidiʼ Jesús (Juan 18:37). Zacá nga ca binni ni racalaʼdxiʼ Dios guni adorar laa. (Biindaʼ Juan 4:23, 24.)

Cucuueza Binidxabaʼ stale binni de gunibiáʼ Dios, pur cani cadi dxandíʼ riniʼbe (2 Corintios 4:3, 4). Cani qué rizaalaʼdxiʼ ganna ni dxandíʼ la? riuucaʼ conforme ne ca cosa ni cadi jneza riziidicaʼ (Romanos 1:25). Yanna riʼ, millón de binni cayanna ni dxandíʼ de Dios ora gúʼndacaʼ Biblia. (Biindaʼ Hechos 17:11.)