Biiyaʼ guiraʼ ni nuu lu sitiu riʼ

guyé lu índice

Kenneth E. Cook, Jr., ne xheelabe, Jamie

Biuu sti hermanu lade Grupu ni Zaniruʼ

Biuu sti hermanu lade Grupu ni Zaniruʼ

MIÉRCOLES siadóʼ, 24 de enero de 2018, bidiicabe ti noticia nabé sicarú familia Betel ni nuu guidxi Estados Unidos ne Canadá: maʼ beeda gaca hermanu Kenneth Cook tobi de cani nuu lade Grupu ni Zaniruʼ stiʼ ca Testigu stiʼ Jiobá.

Gule Hermanu Cook ne biniisi ndaaniʼ guidxi Pensilvania (Estados Unidos). Binibiaʼbe ni dxandíʼ rusiidiʼ Biblia pur ti compañeru de clase stibe ra mayaca gaca graduarbe ra scuela secundaria ne guyuunísabe 7 de junio de 1980. Bizulube serviciu de tiempu completu casi precursor regular 1 de septiembre de 1982. Chupa iza despué biʼniʼ invitárcabe laabe gúnibe dxiiñaʼ Betel. Bizulube bíʼnibe dxiiñaʼ ndaaniʼ guidxi Wallkill (Nueva York) 12 de octubre de 1984.

Lu veinticinco iza ni ziné hermanu Cook dede dxi bizulú maʼ biʼniʼ gadxé gadxé dxiiñaʼ ra imprenta ne zaqueca ra Oficina de Betel. Lu iza 1996 bichaganabe hermana Jamie, ne laaca bizulú biʼniʼ dxiiñaʼ né laabe ndaaniʼ guidxi Wallkill. Ne lu beeu diciembre de 2009, bidxaacabe Patterson ra Centro Educativo stiʼ Watchtower. Raqué biʼniʼ hermanu Cook dxiiñaʼ lu departamentu Correspondencia de Redacción. De racá biguétacabe Wallkill, peru qué nindaa maʼ guyécabe Brooklyn lu beeu abril de 2016. Gaayuʼ beeu despué guyécabe central mundial, ni nuu Warwick. Ne lu beeu enero de 2017, beeda gaca hermanu Cook tobi de cani racané Comité de Redacción stiʼ Grupu ni Zaniruʼ.