Biiyaʼ guiraʼ ni nuu lu sitiu riʼ

guyé lu índice

Ora rucheené xheelaʼ binni laa

Ora rucheené xheelaʼ binni laa

María, ti gunaa de España guníʼ: «Ora gudxi xheelaʼ naa chigusaana naa pur ti gunaa jma nahuiiniʼ, dede bidii gana ñateʼ. Cadi jneza ni cayúnibe que, purtiʼ bineʼ stale cosa pur laabe...».

Bill, ti hombre de España guníʼ: «Ni málasi bisaana xheelaʼ naa. Bineʼ sentir casi ora guti xiixa dentru de naa. Guiráʼ plan bínidu, ca ni guníʼ íquedu ñúnidu ne ca esperanza stidu bixiá cani. Guyuu biaje bineʼ sentir maʼ nuaaʼ galán, peru ni málasi racaʼ deprimir sti biaje».

GUIZÁʼ racaná binni ora rucheené xheelaʼ laa. Nuu binni runi perdonar xheelaʼ ni raca arrepentir ne huayuni chaahuiʼ xquendaxheelaʼ. * Peru, pa guibiguetaʼ guendaxheelaʼ ca casi ora qué ñaca gastiʼ la? hombre o gunaa ni gucheené xheelaʼ laa nga ni jma racaná. ¿Xi zanda gacané lii pa cadíʼdiluʼ guendanagana riʼ yaʼ?

TEXTU ZEEDA LU BIBLIA NI ZANDA GACANÉ LII

Neca naná nuu ladxidóʼ tuuxa pur bicheené xheelaʼ laa la? riguixhedxí Biblia ladxidoʼcaʼ ora ruundacaʼ ni ne rudiicaʼ cuenta ruuyaʼ Dios ora cayuunacaʼ ne riene pabiáʼ cayacanacaʼ (Malaquías 2:13-16).

«Ora bidale cani ruchiiñaʼ xquendabiaaneʼ, lii gudixhedxiluʼ xhialmaʼ pur guiráʼ ni gúdxiluʼ naa» (Salmo 94:19).

Bill guníʼ: «Ora cayuundaʼ versículo riʼ, bixuiʼluaʼ casi ora caxubináʼ Jiobá naa né cariñu, casi runi ti padre ni riá xiiñiʼ».

«Zácaluʼ leal né ti binni ni gaca leal lii» (Salmo 18: 25).

Carmen, ti gunaa ni bicheené xheelaʼ laa stale beeu guníʼ: «Qué ñaca xheelaʼ leal né naa, peru nannaʼ naca Jiobá leal né naa, ne qué ziuu dxi guniná ladxiduáʼ».

«Cadi chuʼ tu xizaa de gastiʼ, sínuque lainíʼ né Dios. Lainaba laa irá ni caquiiñe tu, ne laudii diuxquixe laa. Ne óraque zaguixhe dxí ladxidóʼ to dede iruti zanda guiene ximodo ni. Ma qué zadxibi ladxidóʼ to, ne zata dxí xquenda biaani tu, purti nuu né tu Cristu Jesús tobi si» (Filipenses 4:6, 7).

Sasha guníʼ: «Stale biaje biindaʼ textu riʼ. Mientra jma bineʼ orar, jma bineʼ sentir paz stiʼ Dios lu xquendanabaneʼ».

Guiráʼ ca binni bizéʼtenu riʼ guyuu biaje guníʼ íquecaʼ maʼ qué zanda guni huantarcaʼ, peru gúpacaʼ confianza Jiobá, ne gudixhedxí Biblia ladxidoʼcaʼ. Bisihuinni Bill zacá ni ora guníʼ: «Fe ni napaʼ Jiobá gucané ni naa para gapa xquendanabaneʼ sentidu neca ruluíʼ maʼ qué zanda guneʼ seguir. Neca ruluíʼ guzayaʼ lu ti neza nacahui, qué nusaana Dios naa» (Salmo 23:4).

^ párrafo 4 Pa racaláʼdxiluʼ gánnaluʼ jma de ora runi perdonar binni xheelaʼ ni gucheené laa la? zanda gúʼndaluʼ serie de artículo ni láʼ «Cuando el cónyuge es infiel» ni biree lu revista ¡Despertad! 22 de abril de 1999.