Biiyaʼ guiraʼ ni nuu lu sitiu riʼ

Ximodo zabani binni despué

Ximodo zabani binni despué

Rábiluʼ zabáninu...

  • ... cásica yanna la?

  • ... jma feu la?

  • ... jma galán la?

 XINÁ BIBLIA

«Zuchaa [Dios] nisa riete lú caʼ, ne ma qué ziuu ru enda guti nin enda ruuna nin enda racaná ladxidóʼ nin yuubaʼ, purti ma udiʼdi irá ni uyuu chiqué.» (Apocalipsis 21:3, 4, Stiidxa Dios Didxazá.)

XIMODO ZACANÉ NGA LAANU

Zúninu dxiiñaʼ ni gusiecheʼ laanu (Isaías 65:21-23).

Qué zaca huaranu ne maʼ qué zápanu nin ti clase yuubaʼ (Isaías 33:24; Apocalipsis 7:17).

Qué ziuu dxi gusaana de guibaninenu binnilídxinu nayecheʼ ne ca xhamígunu (Salmo 37:11, 29).

 ÑEE ZANDA GUNI CRENU NI NA BIBLIA LA?

Zanda pue, nuu chupa razón:

  • Zanda guni Dios guiráʼ ni maʼ guníʼ. Biblia ruzeeteʼ Jiobá si nga naca ti «Dios ni jma nandxóʼ», purtiʼ nápabe stale poder (Apocalipsis 15:3). Nga runi, laasibe zanda gúnibe Guidxilayú riʼ ti lugar sicarú casi maca guniʼbe. Biblia na «para Dios gasti ni nagana» (Mateo 19:26).

  • Racalaʼdxiʼ Dios guni ni maʼ guníʼ. Tobi de ca cosa ni nabé racalaʼdxiʼ Jiobá guni nga guindisaʼ ca binni ni maʼ guti (Job 14:14, 15).

    Biblia laaca cuzeeteʼ bisianda Jesús, Xiiñiʼ Dios, binni huará. Xiñee yaʼ. Purtiʼ biale de laabe gúnibe ni (Marcos 1:40, 41). Guiráʼ ni bíʼnibe bisihuinni cani racalaʼdxiʼ Bixhózebe gacané binni (Juan 5:19).

    Nga runi, nanna dxíchinu cásica Jiobá ne zaqueca Jesús racaláʼdxicaʼ guibáninu nayecheʼ despué (Salmo 72:12-14; 145:16; 2 Pedro 3:9).

 GUNÍʼ IQUE

Ximodo zuni Dios Guidxilayú riʼ ti lugar sicarú.

Biblia cacabi ni gunabadiidxanu ca lu MATEO 6:9, 10 ne DANIEL 2:44.