Biiyaʼ guiraʼ ni nuu lu sitiu riʼ

Ñee ziuu dxi guiree guiráʼ yuubaʼ la?

Ñee ziuu dxi guiree guiráʼ yuubaʼ la?

Ñee...

  • ... zaree cani la?

  • ... qué zaree cani la?

  • ... zándaca la?

 XINÁ BIBLIA

«Zuchaa [Dios] nisa riete lú caʼ, ne ma qué ziuu ru enda guti nin enda ruuna nin enda racaná ladxidóʼ nin yuubaʼ.» (Apocalipsis 21:3, 4, Stiidxa Dios Didxazá, SDD.)

XIMODO ZACANÉ NGA LAANU

Zacaneni laanu gánnanu cadi Dios napa donda pur ca yuubaʼ ni nápanu (Santiago 1:13).

Zatadxí ladxidoʼno gánnanu riene Dios laanu ora racananu (Zacarías 2:8).

Zánnanu ziuu dxi zabee Dios guiráʼ ni runiná laanu (Salmo 37:9-11).

 ÑEE ZANDA GUNI CRENU NI NA BIBLIA LA?

Zanda pue, nuu chupa razón:

  • Nanalaʼdxiʼ Dios yuubaʼ ne ni cadi jneza. Ximodo biʼniʼ sentir Jiobá dxi bininácabe ca xpinni ni bibani dxiqué. Biblia na nabé gucaná ladxidoʼbe (Jueces 2:18).

    Qué liica riuulaʼdxiʼ Dios ca binni ni runiná stobi. Biblia cuzeeteʼ nanalaʼdxi Jiobá «naʼ ni ruxhii rini stiʼ binni qué gapa donda» (Proverbios 6:16, 17, Traducción del Nuevo Mundo).

  • Rapa Dios cada tobi de laanu. Jiobá cayabi laanu gusaananu guiráʼ ni cuchiiñaʼ laanu lu naʼ, «purti laabe cayapa be laa[nu]» (1 Pedro 5:7, SDD).

    Maʼ qué zandaa zaquiiñeʼ Jiobá Reinu stiʼ para cuee guiráʼ yuubaʼ napa binni (Mateo 6:9, 10). Laga guedandá dxi ca, caguixhedxibe ladxidóʼ cani ruyubi laabe (Hechos 17:27; 2 Corintios 1:3, 4).

 GUNÍʼ IQUE

Xiñee cudii Dios lugar gacaná binni.

Biblia cacabi ni gunabadiidxanu ca lu ROMANOS 5:12 ne 2 PEDRO 3:9.