Biiyaʼ guiraʼ ni nuu lu sitiu riʼ

guyé lu índice

Ladu bigaʼ: Dxi biseendaʼ guidxi Suiza ni caquiiñeʼ ca hermanu de Alemania (1946); ladu derechu: Dxi cabí ti Yoo stiʼ Reinu guidxi Japón gudiʼdiʼ si ti tsunami (2011)

 NDAA 6

Racanenu Reinu: Rucuinu Yoo stiʼ Reinu ne racanenu ca hermanu

Racanenu Reinu: Rucuinu Yoo stiʼ Reinu ne racanenu ca hermanu

 QUÉ ganda diʼ guni creluʼ pa Yoo stiʼ Reinu ra rieluʼ nga cayuuyaluʼ. Nabé riuuláʼdxiluʼ edificiu riʼ, ne zándaca dede ridá nisa luluʼ ora rietenaláʼdxiluʼ modo gucaneluʼ para gurí ni raca chupa chonna iza. Peru nagasi jma cayuuláʼdxiluʼ salón riʼ, purtiʼ cayuuyuʼ caquiiñeʼ ni casi ti lugar ra bedasaanacabe stale cosa para ca hermanu ni gucaná lu ti desastre. Biaba ti nisaguié naroʼbaʼ ni bindaahua stale yoo ne laaca bininá nisa riʼ stale lugar nuu gaxha de salón que. Yanna mápeca bedandá guiráʼ ni biseendaʼ Comité de Sucursal para gacané ca hermanu ni gucaná: nuu guendaró, lari, nisa gueʼ binni ne xcaadxi cosa ni bisigaʼdeʼ stale Testigu. Ne nexheʼ chaahuiʼ guiráʼ ni ndaaniʼ salón que. Maʼ zuhuaa ca hermanu lu fila ne nuu tu laa mápeca cacaa ni caquiiñeʼ, stale de laacaʼ dede cayuunacaʼ tantu cayéchecaʼ.

Ti biaje guníʼ Jesús nagueenda zudii binni cuenta tuu nga ca xpinni, purtiʼ zannaxhiisaacaʼ (Juan 13:34, 35). Lu ndaa riʼ zadúʼyanu ximodo rusihuinni ca cristianu dxandíʼ nadxiisaacaʼ ora racanecaʼ para cuiʼ Yoo stiʼ Reinu ne ora racanecaʼ xcaadxi testigu stiʼ Jiobá ni gucaná lu ti desastre. Guendarannaxhii stinu riʼ nga ti razón naroʼbaʼ ni rusihuinni maʼ cayuni mandar Reinu stiʼ Jesús laanu.

LU NDAA RIʼ

CAPÍTULO 18

Tu rudii bueltu para gaca xhiiñaʼ Reinu

Paraa riree bueltu. Ximodo riquiiñeʼ ni.

CAPÍTULO 19

Cucuinu yoo ni rusisaca Jiobá

Ca lugar ra raca adorar Dios, rusisácani laabe, peru nuu sti cosa ni jma rusisácabe.

CAPÍTULO 20

Racanenu ca xpinni Cristu

Xiñee rininu zeeda gaca guiráʼ dxiiñaʼ ni rúninu para gacanenu xcaadxi hermanu serviciu sagradu ni rudiʼnu Jiobá.