Biiyaʼ guiraʼ ni nuu lu sitiu riʼ

guyé lu índice

Ladu bigaʼ: Ti hermana ni cuxhidxi ti grabación stiʼ ti discursu bidii hermanu Rutherford (Alabama, Estados Unidos; ra ziluxe década stiʼ 1930); ladu derechu: Suiza

 NDAA 1

Ni naquiiñeʼ gánnanu de Reinu: Ricaa binni guendaró espiritual

Ni naquiiñeʼ gánnanu de Reinu: Ricaa binni guendaró espiritual

 NABÉ cayecheʼ estudiante stiuʼ purtiʼ maʼ biene ti versículo ni biʼndaʼ lu Biblia. Óraque gunabadiidxabe lii: «Peru, dxandíʼ xa nga rusiidiʼ Biblia zanda guibáninu sin gátinu... ndaaniʼ ti paraísu lu Guidxilayú». Dede cuxidxihuiiniʼ hermanu zineuʼ rabi laabe: «Xi biéneluʼ lu textu ni bíʼndaluʼ riʼ yaʼ». Cumu nabé cadxagayaa estudiante riʼ la? dede runiibi ique ne riníʼ: «¡Xiñee qué huayuu dxi gusiidicabe ndiʼ naa pue!». Cadi deruʼ nga primé biaje gúʼyaluʼ guiniʼbe zacá. Ngaca nga guniʼbe raca chupa chonna semana, dxi gúnnabe Jiobá nga láʼ Dios.

Ora gápanu ti experiencia casi ni bizéʼtenu riʼ, jmaruʼ si rucaani laanu guiníʼ íquenu pabiáʼ risaca nga nánnanu ni dxandíʼ. Peru, ñee maʼ huaníʼ íqueluʼ ximodo gucuaanu regalu riʼ la? Zacábinu ni lu primé ndaa stiʼ libru riʼ. Nánnanu dxandíʼ nuu Reinu stiʼ Dios ne ti razón ni rusihuinni zacá ni nga modo cayacané espíritu santu xquidxi Dios guiene guiráʼ ni racalaʼdxiʼ Jiobá chaahuiʼ chaahuiʼ. Maʼ gudiʼdiʼ ti gayuaa iza de cayacané Rey Jesucristu laacabe gánnacabe xii nga ni dxandíʼ.

LU NDAA RIʼ

CAPÍTULO 3

Cusihuinni Jiobá xi naguixhe ique guni

Ñee maca gudixhe ique Dios gueeda Reinu para gaca ni naguixhe ique la? Xii nga ca cosa bisiene Jesús de Reinu

CAPÍTULO 4

Rusisaca Jiobá lá

Xi guiráʼ maʼ biʼniʼ Reinu para gusisaca lá Dios. Ximodo zanda gacaneuʼ para gaca santificar lá Jiobá

CAPÍTULO 5

Rusiene Rey caadxi cosa de Reinu stiʼ Dios

Ñuuláʼdxiluʼ ñánnaluʼ jma de Reinu stiʼ Dios, tuu nga ca gobernante stini, tuu nga ca binni chiguni mandarni, ne ximodo zanda gusihuínniluʼ qué rixéleluʼ de Reinu stiʼ Dios la?