Biiyaʼ guiraʼ ni nuu lu sitiu riʼ

guyé lu índice

Información para cani cheʼ asamblea

Información para cani cheʼ asamblea

ACOMODADORES. Nuu ca acomodador riʼ para gacanecaʼ lii. Ora gábicabe lii paraa zanda guzuhuaaluʼ carru stiluʼ, pa neza naquiiñeʼ saluʼ ndaaniʼ ca pasillu, ximodo cueeluʼ lugar ne xcaadxi cosa la? galán guzuubaluʼ stiidxacabe.

BANGUʼ. Rinábadu lii guni respetarluʼ xcaadxi binni. Bietenalaʼdxiʼ zanda guni apartarluʼ banguʼ para familia si stiluʼ, para cani chineluʼ ndaaniʼ carru, para cani nabeza ra liʼdxuʼ ne para ca binni ni rudiiluʼ estudiu. Cadi quíxheluʼ xiixa lu banguʼ ni qué zaquiiñeluʼ.

BAUTISMO. Pa qué guiníʼcabe sti cosa la? zaca apartar ca banguʼ ni nuu frente de plataforma para si cani chichuunisa. Naquiiñeʼ cuiʼ cani chichuunisa lu ca banguʼ riʼ ante guzulú discursu ni chitiidiʼ para laacaʼ sábadu siadóʼ. Naquiiñeʼ guedané guirácabe ti tualla ne ti traje de bañu ni gusihuinni xpinni Cristu laacabe.

DONACIONES. Raca stale gastu para guidxela banguʼ galán, equipu de sonidu ne de videu, ne para chuʼ xcaadxi serviciu ni gudii lugar laanu guni disfrutarnu de asamblea stinu ne ganda guidxíñanu jma gaxha de Jiobá. Racané ca donación stiluʼ para guiaxa ca gastu riʼ ne para iquiiñeʼ ni lu obra mundial. Para ganda gusábaluʼ donación stiluʼ la? ndaaniʼ guidubi local de asamblea riʼ nuu caja ni napa letreru de donación. Risaca guiráʼ donación ni rúnitu. Racalaʼdxiʼ Grupu ni Zaniruʼ gudii xquíxepeʼ lii pur ca donación ni rudiiluʼ para gacaneluʼ guidale guiráʼ ni napa Reinu.

OBJETOS PERDIDOS. Pa bidxélaluʼ xiixa la? yesaana ni ra Departamento de Objetos Perdidos. Pa binítiluʼ xiixa la? guyé ra departamentu riʼ para guyúbiluʼ ni. Laaca naquiiñeʼ chinécabe ca baʼduhuiiniʼ ni cananiti ra departamentu riʼ. Peru para cadi gaca estresarnu la? rinábadu lii gúʼyaluʼ ca xiiñiluʼ guiráʼ ora ne cadi gudiiluʼ lugar guixélecabe de lii.

PRIMEROS AUXILIOS. Naquiiñeʼ gannuʼ nuu departamentu riʼ para EMERGENCIA si.

SERVICIO VOLUNTARIO. Pa racaláʼdxiluʼ gacaneluʼ lu ca dxiiñaʼ raca lu asamblea riʼ la? guyé ra Departamento de Información y Servicio Voluntario.

 REUNIÓN ESPECIAL

ESCUELA PARA EVANGELIZADORES DEL REINO. Guiráʼ ca precursor ni napa 23 hasta 65 iza, ni racalaʼdxiʼ guni jma lu xhiiñaʼ Dios ne rapa gana cheʼ scuela riʼ. Cayaca invitarcaʼ para checaʼ reunión riʼ domingu huadxí. Zaníʼcabe pora ne paraa chigaca ni dede lu plataforma.

Ni biʼniʼ preparar Grupu ni Zaniruʼ stiʼ ca testigu stiʼ Jiobá