Biiyaʼ guiraʼ ni nuu lu sitiu riʼ

guyé lu índice

 Apéndice

Ximodo zanda gusaana binni de quite ra naca hombre o ra naca gunaa

Ximodo zanda gusaana binni de quite ra naca hombre o ra naca gunaa

Cadi jneza diʼ nga gapa binni viciu de quite ra naca hombre o ra naca gunaa para guni sentir casi ora nexhené tuuxa. Xiñee yaʼ. Purtiʼ zuxheleʼ ni laabe de Dios ne zuyúbibe gúnibe ni riuulaʼdxiʼ si beela ládibe ne zuni bidii ni xquendabiaanibe. Cani napa viciu ca zándaca guzulú gúʼyacabe xcaadxi binni casi ti cosa ni zaguu laacabe nayecheʼ ora maʼ rápacabe gana gatanécabe tuuxa. Binni ni napa viciu ca ruyubi gatané tuuxa cadi purtiʼ nadxii binni ca, sínuque para gucueeza ni gana ni nápabe de gatanebe tuuxa. Peru ti ratu si nga riuube galán. Ora nabé riguite tuuxa ra naca hombre o ra naca gunaa la? qué rucueeza diʼ ni laa de chuʼné ni cadi xheelaʼ ne de guni cosa dxabaʼ; laga jmaruʼ si rucaa ni laa guni ca cosa ca (Colosenses 3:5).

Apóstol Pablu bicaa: «Hermanu ni nadxiee caʼ, [...] usiá nu laanu de irá ni runi dxaba xcuerpu nu ne espíritu stinu, ti sa nu modo pe naquiiñe sa ca xpinni be, cani ridxibi laabe» (2 Corintios 7:1). Nuu binni raca nagana para laa guni ni na ca diidxaʼ zeeda lu textu riʼ; peru cadi naquiiñeʼ guireecabe gana, purtiʼ Jiobá nuuca «listu para gutiidilaʼdxiʼ donda» ne gacané laacabe (Salmo 86:5; Lucas 11:9-13). Zándaca guibiguetaʼ gúnicabe ni sti biaje, peru pa ruchiiñaʼ xquendabiaanicabe laacabe ne cayúnicabe stipa pur gusaanacabe viciu ca la? nga rusihuinni racaláʼdxicabe guchaacabe. Qué chuʼ dxi guiaandaʼ laanu «jma nandxóʼ Dios que laani [ladxidoʼno] ne laa nanna irá ni nuu ndaani ni» (1 Juan 3:20). Jiobá nanna paraa cuchéʼnenu laa, peru ni jma ruuyabe nga ximódopeʼ laanu. Cumu runibiáʼ chaahuibe laanu la? nga runi rucaadiágabe ora guinábanu guilaseláʼdxibe laanu. Pur nga cadi naquiiñeʼ gusaana de guni orarnu  laabe de guidubi ladxidoʼno ne gudiʼnu lugar gacanebe laanu, cásica ridxiña ti baʼduhuiiniʼ ra nuu bixhoze para gacané laa. Dxandipeʼ, Jiobá zanda gacané laanu para guiá xquendabiaaninu (Salmo 51:1-12, 17; Isaías 1:18). Peru cadi caquiiñeʼ guni orársinu, sínuque laaca caquiiñeʼ gúninu cani guinábanu laabe, cadi guidúʼyanu pornografía ne cadi guidxaaganu binni ni qué runi ni na Jiobá. *

Peru pa qué ganda gusaana tuuxa viciu ca yaʼ. Galán guiníʼnebe bixhózebe (o jñaabe) pa xpinni Cristu laacaʼ o guiníʼnebe tobi de ca xpinni Cristu ni dxandíʼ runi ni na Biblia ne ni rizaalaʼdxiʼ laabe (Proverbios 1:8, 9; 1 Tesalonicenses 5:14; Tito 2:3-5). *

^ párrafo 2 Stale tu laa rudii cuenta jma galán cuʼ computadora stiʼ ti lugar ra zanda guʼyaʼ binnilidxi laa ti cadi guʼyaʼ cosa dxabaʼ lu ni. Nuu tu laa huaguu programa ni racané para cadi guixeleʼ ca página de pornografía lu computadora stiʼ. Peru naquiiñeʼ gánnanu neca cuʼnu programa ca lu computadora stinu nuu tiru zaree ca cosa dxabaʼ ca lu ni.

^ párrafo 1 Pa racaláʼdxiluʼ gánnaluʼ xiruʼ zanda gacané lii para gusaanaluʼ de quíteluʼ ra nácaluʼ hombre o ra nácaluʼ gunaa la? biiyaʼ ni na ¡Despertad! stiʼ noviembre 2006 ra na «Los jóvenes preguntan... ¿Cómo puedo superar este hábito?» ne libru Lo que los jóvenes preguntan. Respuestas prácticas, vol. 1, yaza 178-182.