Biiyaʼ guiraʼ ni nuu lu sitiu riʼ

guyé lu índice

 Apéndice

Ñee naquiiñeʼ guidxaaganu ti binni ni maʼ cadi naca Testigu la?

Ñee naquiiñeʼ guidxaaganu ti binni ni maʼ cadi naca Testigu la?

Nabé naroʼbaʼ yuubaʼ rapa binni ora cueecabe ti binnilidxi o ti xhamigu de ndaaniʼ xquidxi Dios pur qué niná ñaca arrepentir de ca cosa malu ni biʼniʼ. Peru pa gúninu cani zeeda lu Biblia, zusihuínninu pabiáʼ nadxiinu Dios ne pabiáʼ racaláʼdxinu gúninu ni na. * Nga runi, chiguidúʼyanu caadxi guendarinabadiidxaʼ ni zanda guni binni.

Ñee naquiiñeʼ guidxaaganu tuuxa ni maʼ guleecabe laa de ndaaniʼ xquidxi Dios la? Biblia na: «Cadi idxaaga tu nin tobi de cani na hermanu laa ne napa jnadxii o ni puru si rucaa ique gapa bidxichi, o ni runi cre bidóʼ o ni riguu dí o ni rixudxi o ni ribaʼnaʼ. Ni runi zacá la? nin cadi lica go né tu laa gueta» (1 Corintios 5:11). Laaca cuzeeteʼ ni: «[Pa tuuxa] iree chu de ni bisiidi Cristu la? [...] cadi uchagalú tu laa ralidxi tu nin gabi tu laa Dios cuʼ ndaaya laa. Purti ni gabi laabe zacá la? cayacané laabe lu» ca guendaquéiquiiñeʼ ni rúnibe (2 Juan 9-11). Revista La Atalaya 15 stiʼ noviembre 1981, yaza 19, na: «Ne ugapadiúxisinu binni ca zanda guzulú guinínenu laa diidxaʼ ne zándaca pur nga maʼ guidxaaganu laa. Ñee racaláʼdxinu gúninu nga la?». Nga runi, ora tuuxa de cani ridagulisaanenu cueecabe laa de ndaaniʼ xquidxi Dios la? cadi naquiiñeʼ diʼ guidxaaganu laabe nin guinínenu laabe de Jiobá.

Ñee naquiiñepeʼ nga gusaana de guinínenu laacabe la? Naquiiñeʼ pue, ne nuu stale razón para gúninu ni. Primé la? purtiʼ racaláʼdxinu gúninu ni na Jiobá ne guzúʼbanu Stiidxaʼ. Cumu guizáʼ nadxiinu laabe la? nga runi qué racaláʼdxinu gusaananu de guzúʼbanu stiidxabe, neca gaca ni nagana para laanu. Laaca nánnanu rúnibe ni jneza ne nadxiibe laanu ne rudiibe ca ley stibe para gacané laanu (Isaías 48:17; 1 Juan 5:3). Guiropa razón nga purtiʼ binni ni qué naʼ gaca arrepentir ca zándaca gucaa laanu gucheʼnu. Nga runi, pa gusaana de guidxaaganu laabe qué zacá  guiráʼ ni rúnibe laanu ne qué zuxhélebe laanu de Dios, ne zaqueca qué zaníʼcabe mal de neza binni ridagulisaa stinu ne ziuu ni nayá (1 Corintios 5:6, 7). Guionna razón ca nga purtiʼ zacané ni binni ni bichee ca. Ximodo yaʼ. Pa gucaʼ íquenu chinándanu ca conseju zeeda lu Biblia ne chuʼnu pur ca binnigola ni biʼniʼ juzgar laabe la? zándaca nga gucaa laabe gaca arrepentirbe ne gúnibe ni qué ninabe ñúnibe dxi gucané ca binnigola que laabe. Zándaca ni gúninu ca ucuudxi ladxidoʼbe ne gucaa ni laabe guchaabe. Ne ora gúʼyabe maʼ qué ridxaagapeʼ binnilídxibe laabe la? zándaca chuʼ «xpiaani be» ne guiénebe cadi jneza ni bíʼnibe que ne guyúbibe modo guibiguétabe ra nuu Jiobá (Lucas 15:17).

Yanna pa binnilídxinu nga guleecabe ndaaniʼ xquidxi Dios yaʼ. Ora cueecabe ti binnilídxinu ndaaniʼ xquidxi Dios, óraca nga zahuinni pa dxandíʼ qué zusaananu de gúninu ni na Jiobá. Pa zacá ni, xi naquiiñeʼ gúninu yaʼ. Neca qué zanda guzéʼtenu xi guiráʼ naquiiñeʼ gaca lu cada cosa, peru chiguzéʼtenu chupa de laacani.

Nuu tiru ndaaniʼ tobi si yoo nabezanécabe binni ni biree ndaaniʼ xquidxi Dios ca. Neca maʼ bireebe de ndaaniʼ xquidxi Dios zándaruʼ guidxaaga binnilídxibe laabe ne guninecaʼ laabe dxiiñaʼ ni rúnicabe ndaaniʼ yoo guiráʼ dxi. Peru cadi naquiiñeʼ diʼ guiníʼnecabe laabe de cani caziidicabe de Biblia pa qué racaláʼdxicabe gusaana de gúnicabe ni na Jiobá, purtiʼ laapebe maʼ qué nabe gácabe xpinni Cristu. Zándaca gudiicabe lugar chuʼbe ora maʼ cayúnicabe adoración en familia, peru cadi naquiiñeʼ guiniʼbe. Yanna, pa nahuiinirube yaʼ. Zándaruʼ guʼndané bixhózebe ne jñaabe laabe Biblia, purtiʼ laacaʼ nga naquiiñeʼ gusiidicaʼ ne gulídxecaʼ laabe (Proverbios 6:20-22; 29:17). *

Yanna, pa ni guleecabe de ndaaniʼ xquidxi Dios ca maʼ cadi nabezané binnilidxi yaʼ. Óraca, ca xpinni Cristu ni qué racalaʼdxiʼ gucheené Dios zuyúbicaʼ modo para cadi guidxaagapecaʼ laabe ne zaníʼnecaʼ laabe ora si caquiiñeʼ guiníʼcabe de xiixa ni cayaca binnilídxicabe. Qué zuyúbicabe guiniʼnécabe laabe pur intiica si cosa. Rusihuínnicabe qué nácabe gusaana de gúnicabe ni na Jiobá ne  xquidxi ora qué ridxiichicabe xiñee biree binnilídxicabe de ndaaniʼ xquidxi Dios. Ni racaláʼdxicabe nga gacanécabe laabe né ni gúnicabe ca la? zándaca gucaa ni laabe guchaabe (Hebreos 12:11). *

^ párrafo 1 Cásica racané ca conseju ni zeeda lu Biblia laanu gánnanu ximodo naquiiñeʼ guidúʼyanu cani maʼ guleecabe de ndaaniʼ xquidxi Dios la? zacaca zanda gacané cani laanu gánnanu ximodo naquiiñeʼ guidúʼyanu cani maʼ qué naʼ gaca xpinni Cristu.

^ párrafo 2 Pa racaláʼdxiluʼ gánnaluʼ jma de cani nahuiiniʼ ni maʼ guleecabe laa de ndaaniʼ xquidxi Dios ne nabezaneruʼ binnilidxi la? zanda gúʼyaluʼ ni na La Atalaya 1 stiʼ octubre 2001, yaza 16, 17, ne 15 stiʼ noviembre 1988, yaza 20.

^ párrafo 3 Pa racaláʼdxinu gánnanu jma de modo naquiiñeʼ guidxaaganu ti binnilídxinu ni guleecabe de ndaaniʼ xquidxi Dios la? zanda gúʼndanu La Atalaya 15 stiʼ abril 1988, yaza 26-31, ne 15 stiʼ noviembre 1981, yaza 20-25.