Biiyaʼ guiraʼ ni nuu lu sitiu riʼ

guyé lu índice

 LECCIÓN 42

Guca Jonatán nadxibalú ne tobi ni qué nusaana ca xhamigu

Guca Jonatán nadxibalú ne tobi ni qué nusaana ca xhamigu

Xiiñiʼ Saúl ni jma huaniisi biree lá Jonatán, ne laa guca ti soldadu guizáʼ nadxibalú. Guníʼ David jma nagueenda Jonatán que ti águila ne jma nadipaʼ qué ti lión. Ti dxi, biiyaʼ Jonatán caadxi soldadu filisteu lu ti dani. Óraque gúdxibe soldadu ni racané laabe: «Zadindenenu laacabe pa gudii Jiobá laanu ti seña. Pa gabi ca filisteu laanu quíbanu, óraque zánnanu naquiiñeʼ tindenenu laacaʼ». Bicaa ca filisteu que ridxi: «¡Laquiʼba ne latinde!». Óraque gudxiʼbaʼ Jonatán ne soldadu ni racané laa que lu dani que ne biiticaʼ gande soldadu.

Jonatán nga baʼduʼ primé stiʼ rey Saúl, nga runi laabe nga naquiiñeʼ gácabe rey gatiʼ si bixhózebe. Peru gunna Jonatán maʼ gulí Jiobá David para gaca rey stiʼ Israel, neca zaqué qué ñápabe envidia laa. Sínuque guca xhamígucabe. Ngue runi, biʼniʼ prometer Jonatán zapa  ne zuni defender David ne ngueca guníʼ David. Para gusihuinni Jonatán guizáʼ xhamigu David la? bisigáʼdebe laa xhábabe, espada, arcu ne cinturón stibe.

Dxi canagucachilú David de Saúl, guyé Jonatán ra nuube ne gudxi laabe: «Naquiiñeʼ gácaluʼ nadipaʼ ne nadxibalú. Maʼ gulí Jiobá lii para gácaluʼ rey. Dede bixhozeʼ nanna ni». ¿Ñuuláʼdxiluʼ ñápaluʼ ti xhamíguluʼ nachaʼhuiʼ casi Jonatán la?

Stale biaje guluu Jonatán xquendanabani ra naxoo para gacané xhamigu. Laabe gúnnabe racalaʼdxiʼ bixhózebe, rey Saúl guuti David, ngue runi gúdxibe bixhózebe: «Pa guutiluʼ David, zucheeluʼ. Purtiʼ laa qué huayuni cosa malu». Guizáʼ bidxiichiné Saúl Jonatán. Caadxi iza despué, guti Saúl ne Jonatán lu ti guerra.

Guti si Jonatán, yeyubi David Mefibóset, xiiñiʼ Jonatán. Ora bidxélabe laa, gúdxibe laa: «Zapaʼ lii guidubi xquendanabániluʼ, purtiʼ guca xhamiguaʼ bixhózeluʼ. Zabézaluʼ ndaaniʼ palaciu stinneʼ ne zóneluʼ naa lu mexaʼ stinneʼ». Qué ñuu dxi nusiaandaʼ David Jonatán xhamigu.

«Ndi nga ni rabe laatu guni tu: Ganaxhii saa tu cásica huayanaxhiee laatu. Iruti zanda ganaxhii jma que biaʼ nadxii tobi ni udii xpida pur ca xhamigu» (Juan 15:12, 13).