Biiyaʼ guiraʼ ni nuu lu sitiu riʼ

guyé lu índice

Ra ruzulú sección 7

Ra ruzulú sección 7

Lu sección riʼ chiguininu de xquendanabani rey Saúl ne rey David, cani chiguzéʼtenu riʼ bindaa cani biaʼ 80 iza. Dxi bizulú biʼniʼ mandar Saúl gúcabe humilde ne bizuubabe stiidxaʼ Dios. Peru nin qué nindaa bichaabe ne maʼ qué ninabe ñúnibe ni ná Jiobá. Ngue runi, laaca bisaana Jiobá laabe. De raqué gudxi Jiobá Samuel guni ungir David para gaca rey stiʼ Israel. Gupa Saúl envidia David ne stale biaje gucalaʼdxiʼ ñuuti laabe. Neca zaqué, qué ñuu dxi nuquixe David ni biʼniʼ Saúl laa. Napa Saúl ti xiiñiʼ ni láʼ Jonatán, ne nanna xiiñibe riʼ maʼ gulí Jiobá David, ngue runi qué nixélebe de laa. Neca despué bichee David, bidii lugar uguu jneza Jiobá laa.  Pa nápaluʼ xiiñiluʼ, gucané laacabe gánnacabe nabé risaca nga guni respetarnu ca decisión stiʼ Dios.

LU NDAA RIʼ

LECCIÓN 39

Primé rey stiʼ Israel

Bidii Dios juez ca israelita que para gabi laacabe xi naquiiñeʼ gúnicabe peru ca binni que canábacaʼ gápacaʼ ti rey. Biʼniʼ ungir Samuel Saúl para gacaʼ primé Rey; despué gulee Jiobá laabe de gácabe rey, ¿nánnaluʼ xiñee la?

LECCIÓN 40

David ne Goliat

Gulí Jiobá David para gaca rey stiʼ Israel, ne David bisihuinni zuni mandar jneza ora gaca rey.

LECCIÓN 41

David ne Saúl

Nanalaʼdxiʼ ti hombre malu ti hombre ni nachaʼhuiʼ. ¿Xi runi hombre ni nachaʼhuiʼ que yaʼ?

LECCIÓN 42

Guca Jonatán nadxibalú ne tobi ni qué nusaana ca xhamigu

Nabé guca xhamigu xiiñiʼ rey que David.

LECCIÓN 43

Pecadu biʼniʼ rey David

Ti decisión ni cadi jneza redaneni stale guendanagana.