Biiyaʼ guiraʼ ni nuu lu sitiu riʼ

guyé lu índice

 LECCIÓN 28

Ti burra ni guníʼ

Ti burra ni guníʼ

Maʼ ziné ca israelita casi 40 iza lu desiertu. Maʼ biʼniʼ ganarcaʼ stale guidxi ni nadipaʼ. Yanna nuucabe lu ca layú stiʼ Moab, ni riaana ladu este stiʼ guiiguʼ Jordán, ne mayaca chindácabe ndaaniʼ Tierra Prometida. Cumu Balac, rey stiʼ Moab, guizáʼ bidxibi ñaxha ca israelita laa layú stiʼ la?. Ngue runi gunábabe ti hombre láʼ Balaam cheʼ Moab para guni maldecir ca israelita o guinabaʼ guizaacacabe xiixa cosa malu.

Peru gudxi Jiobá Balaam: «Cadi guni maldecirluʼ ca israelita». Ngue runi qué niná Balaam ñé Moab. Biseendacaa rey Balac laabe sti biaje ne biʼniʼ prometer zudii laabe intiica ni gacaláʼdxibe, peru Balaam qué niná ñé. Óraque ná Dios rabi laabe: «Zaa guyé. Peru naa gabeʼ lii xi guiniʼluʼ».

Para biree Balaam zeʼ Moab lu burra stiʼ. Peru cá ique guni maldecir ca israelita, neca gudxi Jiobá laabe cadi gúnibe ni. Neza zebe biree ángel stiʼ Jiobá lube chonna biaje. Qué ñuuyaʼ Balaam ángel que, peru burra que biiyaʼ laabe. Primé la? bireeme de lu neza que ne yechuume lu ti layú. Despué, biguiidime cueʼ ti pader de guié dede biquiichime ñee Balaam cueʼ pader que. Últimu la? gurime galaa neza ne maʼ qué niname nizame. Guiráʼ biaje riʼ gudiñe Balaam burra que né ti palu.

Guca si guiráʼ ndiʼ, bisiníʼ Jiobá burra que. Gunabadiidxame Balaam: «¿Xiñee caguíñeluʼ naa pue?». Para ná Balaam rabi laame: «Cayuʼnuʼ guihuinneʼ casi ti binni huati. Pa ñapaʼ ti espada, nagásica ñuuteʼ lii». Ná burra que rabi laabe: «Maʼ stale iza nga de riguiʼbaluʼ naa. ¿Ñee huayuu ora guneʼ lii zacá la?».

Óraque, bidii Jiobá lugar guʼyaʼ Balaam ángel que. Ná ángel que rabi laabe: «Gudxi ca Jiobá lii cadi cheluʼ para guni maldecirluʼ Israel». Balaam bicabi: «Maʼ bicheeʼ. Zabiguetaʼ ra lidxeʼ». Peru ángel que rabi laabe: «Zanda cheluʼ Moab, peru ni gabi si Dios lii nga guiniʼluʼ».

 ¿Ñee rábiluʼ zuchaa Balaam ni cá ique guni né ni bizaaca riʼ la? Coʼ, purtiʼ despué gucaláʼdxibe ñuni maldecirbe Israel chonna biaje. Peru cada biaje gucaláʼdxibe ñuni maldecirbe ca israelita, bicaa Jiobá laabe cuʼbe ndaayaʼ laacaʼ. Últimu la? bicaalú ca israelita Moab ne guti Balaam. ¿Cadi dxandíʼ nga jma galán pa nuzuubaʼ Balaam stiidxaʼ Jiobá dede primé biaje guniʼné laabe la?

«Laguuya gá laatu ne enda ruyubi gapa bidxichi, purti cadi nga si nga enda nabani sti binni» (Lucas 12:15).