Biiyaʼ guiraʼ ni nuu lu sitiu riʼ

guyé lu índice

 LECCIÓN 93

Bibiguetaʼ Jesús guibáʼ

Bibiguetaʼ Jesús guibáʼ

Guca reunir Jesús né ca discípulo stiʼ ndaaniʼ guidxi Galilea. Biʼniʼ mandarbe laacaʼ gúnicaʼ xiixa nabé risaca: «Laché ra nuu binni de guiráʼ guidxi ne lagacané laaca gácacaʼ discípulo stinneʼ. Lagusiidiʼ laaca guiráʼ ni maʼ bisiideʼ laatu ne lacuunisa laaca». Óraque gúdxibe ca discípulo stibe: «Laguietenalaʼdxiʼ, qué ziuu diʼ dxi gusaana laatu».

Biasa si Jesús de lade gueʼtuʼ, biaʼ 40 dxi bihuínnibe nezalú stale discípulo stibe ndaaniʼ guidxi Galilea ne Jerusalén. Bisiidibe laacaʼ stale cosa risaca ne bíʼnibe stale milagru. Últimu la? guca reunirnebe ca apóstol stibe lu dani Olivo, ngue nga últimu biaje guca reunirnebe laacaʼ. Maca gudxi Jesús laacabe: «Cadi guireetu de Jerusalén. Lacueza gaca cumplir ni maʼ guníʼ Bixhozeʼ chigaca».

Qué ñene ca apóstol stiʼ Jesús xi nuube gábibe laacaʼ. Ngue runi gunabadiidxacaʼ laabe: «¿Ñee maʼ chigácaluʼ rey stiʼ Israel la?». Para bicabi Jesús laacabe: «Qué zacaʼ rey nagasi, Jiobá si nga nanna padxí. Peru qué zandaa zacaatu espíritu santu ni zudii poder laatu, ne zácatu testigu stinneʼ. Nga runi laguni predicar ndaaniʼ guidxi Jerusalén, Judea, Samaria ne lu guidubi naca Guidxilayú».

Guníʼ si Jesús ngue la? biasa zeʼ guibáʼ, laga cayuuyadxí ca discípulo que, málasi bichii ti za Jesús ne maʼ qué ñuuyacabe laa.

Guca si ngue, biete ca discípulo de lu dani Olivo ne bibiguétacaʼ Jerusalén. Raqué maca nápacabe costumbre chécabe lu guiropa pisu stiʼ ti yoo para guni orárcabe. Raqué gulézacabe gabi Jesús laacabe xiruʼ naquiiñeʼ gúnicabe.

«Ne zuiʼ cabe stiidxa Dios de idubi naca guidxilayú para ganna irá xixé guidxi [de Reinu], ne dxi que ru nga iluxe guidxilayú riʼ» (Mateo 24:14).