Biiyaʼ guiraʼ ni nuu lu sitiu riʼ

guyé lu índice

 LECCIÓN 76

Bisiá Jesús templu que

Bisiá Jesús templu que

Biaʼ lu beeu abril stiʼ iza 30, guyé Jesús Jerusalén. Stale binni guyé raqué para guni celebrarcaʼ saa Pascua. Tobi de ca cosa ni rúnicabe lu saa que nga, rudiicabe maniʼ casi sacrificiu ndaaniʼ templu que. Nuu binni maca ziné maniʼ stiʼ, peru nuu tu laa maʼ raqué rizíʼ laacame.

Ora yendá Jesús ra templu que, biiyaʼ cutoo caadxi binni maniʼ raqué. ¡Cutoocabe ndaaniʼ lidxi Jiobá! ¿Xi biʼniʼ Jesús yaʼ? Bíʼnibe ti chicote de doo ne biquiiñebe ni para guládxibe ca dendxuʼ ne ca yuze que de ndaaniʼ templu. Laaca bitiixhibe mexaʼ stiʼ cani ruchaa bueltu, ne bireeche guiráʼ bueltu sticaʼ layú. Para gudxi Jesús cani cutoo paloma que: «¡Lacuee guiráʼ ndiʼ de raríʼ! ¡Cadi gúnitu lidxi Bixhozeʼ ti luguiaa!».

 Guizáʼ bidxagayaa ca binni ni nuu ndaaniʼ templu que pur ni biʼniʼ Jesús. Bietenalaʼdxiʼ ca discípulo profecía ni caníʼ de Mesías que: «Guizáʼ zannaxieeʼ lidxi Jiobá».

Gudiʼdiʼ si tiempu, lu iza 33, bibiguetaʼ bisiá Jesús templu que. Qué nudiibe lugar ñuni binni xiixa ni cadi jneza ra lidxi Bixhózebe.

«Qué zanda ganaxhii tu Dios ne ganaxhi ca tu [bueltu]» (Lucas 16:13).