Biiyaʼ guiraʼ ni nuu lu sitiu riʼ

Ñee zanda guibani ca binni ni maʼ guti sti biaje la?

Ñee zanda guibani ca binni ni maʼ guti sti biaje la?

Xi rábiluʼ...

  • ... zanda la?

  • ... qué zanda la?

  • ... zándaca la?

 XINÁ BIBLIA

«Rune cre zusibani Dios gueʼtuʼ.» (Hechos 24:15, Stiidxa Dios Didxazá.)

XIMODO ZACANÉ NGA LAANU

Zaguixhedxini ladxidoʼnoʼ ora gatiʼ tuuxa binnilídxinu (2 Corintios 1:3, 4).

Maʼ qué zadxíbinu guendaguti (Hebreos 2:15).

Zadúʼyanu sti biaje ca binnilídxinu ni maʼ guti (Juan 5:28, 29).

 ÑEE ZANDA GUNI CRENU NI NA BIBLIA LA?

Zanda pue, nuu chonna razón:

  • De Dios nga zeeda guendanabani. Biblia na Jiobá nga rudii «enda nabani» (Hechos 17:24, 25; Salmo 36:9). Nga runi, pa laabe rudiibe guendanabani guiráʼ xixé ni nuu, laaca zanda gusibánibe cani maʼ guti.

  • Bisibani Dios gueʼtuʼ dxiqué. Lu Biblia rieeteʼ xhono binni ni bisibánibe lu Guidxilayú riʼ, cásica nahuiiniʼ, zaqueca ni huaniisi, hombre ne gunaa. Caadxi de laacabe cadi xadxí de gúticaʼ, peru guyuu tobi de laacabe maʼ napa tapa gubidxa de guti (Juan 11:39-44).

  • Dios racalaʼdxiʼ gusibani cani maʼ guti. Jiobá nanalaʼdxiʼ guendaguti, ruuyabe ni casi ti enemigu (1 Corintios 15:26). Laabe racaláʼdxibe gunduuxebe enemigu ca ra gusibánibe guiráʼ ca binni ni maʼ guti. Rápabe gana guindísabe ca binni ni nuu lu xquendabiaanibe para guibánicaʼ lu Guidxilayú riʼ sti biaje (Job 14:14, 15).

 GUNÍʼ IQUE

Xiñee rióxhonu ne rátinu.

Biblia cacabi ni gunabadiidxanu ca lu GÉNESIS 3:17-19 ne ROMANOS 5:12.