Biiyaʼ guiraʼ ni nuu lu sitiu riʼ

guyé lu índice

 NDAA 1

Xi diidxaʼ sicarú nuu para laanu.

Xi diidxaʼ sicarú nuu para laanu.

1. Xi diidxaʼ sicarú napa Dios para laanu

Dios racalaʼdxiʼ guibani binni nayecheʼ. Cumu nadxiibe binni la? bizaʼbe Guidxilayú ne guiráʼ ni nuu luni. Mayaca cueebe guiráʼ yuubaʼ nuu luni ti ganda guibani binni de guiráʼ ladu jma galán. Biindaʼ 1 Timoteo 6:19.

Nin ti gobiernu qué huayanda cuee guiráʼ guendaridinde, guendahuará nin guendaguti. Peru nuu caadxi diidxaʼ sicarú ni naquiiñeʼ gánnanu: maʼ cadi candaa, zunitilú Dios guiráʼ gobiernu ni nuu lu Guidxilayú riʼ ne zucuibe gobiernu stibe. Óraca maʼ gastiʼ zuchiiñaʼ xquídxibe ne ziuucaʼ nazaacaʼ. Biindaʼ Isaías 33:24; Daniel 2:44 ne Apocalipsis 21:4.

2. Xiñee caquiiñeʼ gánnanu cani yaʼ

Napa xidé cuee Dios guiráʼ binni malu ni nuu lu Guidxilayú ti maʼ cadi chuʼ yuubaʼ (Sofonías 2:3). Padxí gúnibe nga yaʼ. Biblia maca bizeeteʼ zazaaca guiráʼ ni cayuniná binni yanna. Guiráʼ cani cayaca yanna riʼ, cusihuínnicani mayaca guni chaahuiʼ Dios Guidxilayú. Biindaʼ 2 Timoteo 3:1-5.

3. Xi naquiiñeʼ gúninu

Naquiiñeʼ guidúʼndanu Biblia purtiʼ zacá nga zazíʼdinu de Dios. Laani zeeda gácani casi ti carta ni rucaa ti binni ni nachaʼhuiʼ ra nuu ca xiiñiʼ. Biblia rabi laanu ximodo zanda guibáninu nayecheʼ yanna ne xi naquiiñeʼ gúninu para guicaanu guendanabani ni qué zaluxe, ni chigudii Dios binni despué. Dxandíʼ, cadi guiráʼ diʼ binni nga ziecheʼ gúʼndaluʼ Biblia. Peru cadi guireeluʼ gana, purtiʼ nabé galán ca ndaayaʼ zacaaluʼ. Biindaʼ Mateo 5:10-12 ne Apocalipsis 14:6, 7.