Biiyaʼ guiraʼ ni nuu lu sitiu riʼ

guyé lu índice

 NDAA 8

Xiñee guti Jesús

Xiñee guti Jesús

Guti Jesús para ganda guibani binni sin qué chuʼ dxi gati (Juan 3:16)

Chonna gubidxa despué de guti Jesús, caadxi gunaa guyeecaʼ ra bigaachibe ne qué nidxélacaʼ xcuérpube purtiʼ mápeca bisibani Jiobá laabe.

Despué bihuinni Jesús nezalú ca apóstol stiʼ.

Qué ñasanebe ti cuerpu de beela nin de dxita ora gundisaʼ Dios laabe de lade gueʼtuʼ. Dios bidii laabe ti cuerpu de espíritu, casi ca ángel. Biiyaʼ ca discípulo stibe ora zebe guibáʼ. Yanna maʼ nácabe ti espíritu ni napa stale poder ne maʼ qué ziuuruʼ dxi gátibe.

 Dios gundisaʼ Jesús de lade gueʼtuʼ ne biʼniʼ laabe rey para guni mandarbe (Daniel 7:13, 14)

Guti Jesús para cuee laanu de lu naʼ guendaruchee ne guendaguti (Mateo 20:28). Zacá zanda gudii Dios laanu guendanabani ni qué zaluxe.

Gulí Jiobá Jesús para guni mandar Guidxilayú dede guibáʼ. Peru cadi laasibe chiguni mandarbe. Zuni mandarnebe 144,000 binni guidxilayú ni guzuubaʼ diidxaʼ ne zabánicaʼ guibáʼ ora guiásacaʼ de lade gueʼtuʼ. Jesús né laacabe chiguni mandárcabe dede guibáʼ (Apocalipsis 14:1-3).

Ora maʼ guni mandárcabe zúnicabe Guidxilayú riʼ ti paraísu. Maʼ qué ziuuruʼ guerra, nin binni ni guni cosa malu, nin binni pobre nin guendarindaana. Zabani binni nayecheʼ (Salmo 145:​16).