Biiyaʼ guiraʼ ni nuu lu sitiu riʼ

guyé lu índice

 NDAA 6

Xi rizíʼdinu de ni bizaaca dxi biaba Nisaguié Naroʼbaʼ que

Xi rizíʼdinu de ni bizaaca dxi biaba Nisaguié Naroʼbaʼ que

Binitilú Dios ca binni malu que ne bilabe Noé ne binnilidxi (Génesis 7:11, 12, 23)

Cuarenta dxi ne cuarenta gueelaʼ biaba nisaguié ne qué nuzuhuaadxini. Bindaahuani Guidxilayú, ne raqué guti guiráʼ binni malu.

Ca ángel ni bidxiideche Dios que bisaanacaʼ cuerpu de beela sticaʼ ne bibiguétacaʼ guibáʼ para bidaagucaʼ Binidxabaʼ. Yanna nácacaʼ demonio.

Bilá ca binni si ni guyuu ndaaniʼ arca que. Despué guti Noé ne binnilidxi, peru zusibani Dios laacabe sti biaje, ne maʼ qué ziuu dxi gáticabe.

 Qué zandaa zunitilú Dios binni malu ne zulabe cani nachaʼhuiʼ (Mateo 24:37-39)

Binidxabaʼ né ca demonio stiʼ cuyúbirucaʼ modo gucueezacaʼ binni ti cadi guni ni na Jiobá.

Cásica ca dxi bibani Noé que, yanna riʼ laaca nuu binni ni qué náʼ guzuubaʼ stiidxaʼ Jiobá. Qué zandaa zunitilube guiráʼ binni malu (2 Pedro 2:5, 6).

Peru laaca nuu binni ni runi ni na Dios, casi Noé. Laacabe nga ca testigu stiʼ Jiobá.