Biiyaʼ guiraʼ ni nuu lu sitiu riʼ

guyé lu índice

 NDAA 3

Ximodo bibánicabe ndaaniʼ jardín ni guyuu Edén

Ximodo bibánicabe ndaaniʼ jardín ni guyuu Edén

Nabé sicarú guiráʼ ni bidii Dios Adán ne Eva (Génesis 1:28)

Primé gunaa ni bizáʼ Jiobá nga Eva, ne laabe beeda gácabe xheelaʼ Adán (Génesis 2:21, 22).

Dios bizáʼ Adán ne Eva sin donda. Biáʼsipeʼ modo bizaʼbe xquendabiaanicaʼ ne xcuérpucaʼ.

Bibánicabe ndaaniʼ jardín ni guyuu Edén: ti lugar nabé sicarú ra guyuu ti guiiguʼ, stale yaga ne stale maniʼ. Lugar que nga beeda gaca ti paraísu.

Dxiqué guniʼné Jiobá laacabe ne bisiidiʼ laacabe stale cosa. Naquiiñeʼ nucaadiágacabe Dios ne nuzuubacabe stiidxabe ti cadi liica nireecabe de ndaaniʼ paraísu que.

 Dios biʼniʼ mandar laacabe cadi gócabe cuananaxhi stiʼ tobi de ca yaga que (Génesis 2:16, 17)

Dios gudxi Adán ne Eva cadi gocaʼ cuananaxhi stiʼ ti yaga ni bizuhuaa ndaaniʼ jardín que. Ne záticabe pa gócabe cuananaxhi stini.

Ti ángel bicaalú Dios. Ángel malu ca nga Binidxabaʼ.

Qué niná Binidxabaʼ nuzuubacabe stiidxaʼ Jiobá. Laabe biquiiñebe ti beendaʼ para gabi Eva qué zati pa gó cuananaxhi stiʼ yaga que. Bisiguiibe laa ora guniʼbe zeeda gaca casi Dios pa gó cuananaxhi stini (Génesis 3:​1-5).