Biiyaʼ guiraʼ ni nuu lu sitiu riʼ

guyé lu índice

Historia 104: Jesús ribiguetaʼ guibáʼ

Historia 104: Jesús ribiguetaʼ guibáʼ

RIDIʼDIʼ dxi, ne Jesús rihuinni stale biaje nezalú ca xpinni. Ti biaje biiyaʼ 500 discípulo laabe. Ora bihuínnibe nezalucaʼ, nannuʼ xidé riníʼnebe laacaʼ la? De reinu stiʼ Dios. Jiobá biseendabe Jesús lu Guidxilayú riʼ para gusiidiʼ de Reinu riʼ. Ne despué de biásabe lade ca gue’tu’ que biʼnirubeni.

Cabiguetaʼ Jesús guibáʼ

Ñee rietenalaʼdxuʼ xii nga Reinu stiʼ Dios la? Nga nga ti gobiernu ni dxandíʼ stiʼ Dios ni nuu guibáʼ, ne Dios Gulí Jesús para gaca rey. Casi maʼ bíʼyanu riʼ, Jesús biluíʼ pabiáʼ sicarú nga modo gueeda gácabe rey ra guyaanabe cani candaana, gusiándabe cani huará, ne ra guindísabe ca ni maʼ guti.

Nga runi, xi zaca lu Guidxilayú riʼ ora Jesús guni reinar guibáʼ pur ti mil iza yaʼ. Guidxilayú riʼ zácani ti paraísu guizáʼ sicarú. Maʼ qué ziuudi’ guendaridinde, nin guendaruuti, nin guendahuará, ninla guendaguti. Nánnanu de que zácani zacá purtiʼ Dios bi’ni’ Guidxilayú riʼ para ñácani ti paraísu ne nibani binni luni. Ne pur nga bí’nibe jardín de Edén que. Jesús zuuyaʼ gaca guiráʼ ni racalaʼdxiʼ Dios.

Maʼ bidxiña dxi guibiguetaʼ Jesús guibáʼ. Pur cuarenta dxi maʼ biluiʼbe laabe ca discípulo que ne laacaʼ ránnacaʼ de que nabánibe. Peru ante chebe que rábibe laacaʼ: Laguiaana Jerusalén dede guicaatu espíritu santu. Laani nga stipa stiʼ Dios, ni rundubi casi bi, ne laani nga zacaneni ca xpinni Cristu gúnicaʼ ni na Dios. Jesús biluxené ca diidxaʼ riʼ: Laatu zucheechetu diidxaʼ de naa dede ra jma zitu de lu Guidxilayú.

Despué de guníʼ Jesús ndiʼ la? raca xiixa guendaridxagayaa. Laabe rizulú riguíʼbabe guibáʼ, casi ruuyuʼ lu dibuju riʼ. De raqué la? ruchii ti za laabe, ne ca discípulo stibe maʼ qué lica ruuyacaʼ laabe. Jesús rie guibáʼ, ne de raqué ruzulú runi gobernarbe ca xpínnibe ni nuu lu Guidxilayú riʼ.

Cayuuyadxí ca discípulo guibáʼ

1 Corintios 15:3-8; Apocalipsis 21:3, 4; Hechos 1:1-11.



Guendarinabadiidxaʼ

  • Panda discípulo ruuyaʼ Jesús, ne xidé riníʼnebe laacaʼ.
  • Xii nga Reinu stiʼ Dios, ne ximodo zaca lu Guidxilayú riʼ ora Jesús guni reinar ti mil iza.
  • Panda gubidxa ziné Jesús de cahuinni nezalú ca discípulo stiʼ, peru xi dxi maʼ bidxiiña.
  • Xi rabi Jesús ca discípulo stiʼ ante gusaanabe laacaʼ.
  • Xi cayaca lu dibuju riʼ, ne ximodo rinitilú Jesús nezalú ca binni ca.

Xcaadxi guendarinabadiidxaʼ

  • Biindaʼ 1 Corintios 15:3-8.

    Xiñee gunda guníʼ apóstol Pablu de que dxandíʼ biasa Jesús lade gue’tu’, ne xidé ndiʼ zanda guiníʼ ca xpinni Cristu ca dxi stinu riʼ ni nuucabe seguru de que zaca. (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

  • Biindaʼ Hechos 1:1-11.

    Casi modo rieeteʼ lu Hechos 1:8, dede pa guidubi bireecheʼ Stiidxaʼ Dios. (Hech. 6:7; 9:31; 11:19-21; Col. 1:23.)