Biiyaʼ guiraʼ ni nuu lu sitiu riʼ

guyé lu índice

Historia 96: Jesús rusianda binni huará

Historia 96: Jesús rusianda binni huará

LAGA zeʼ Jesús ca guidxi que la? zigusiándabe binni huará. Ne stale de ca guidxi nuu gaxha de raqué la? ránnacabe de ca milagru riʼ. Nga runi, ca binni que rinecaʼ ra nuube cani nachiita ñee ne nacheepaʼ lú, ne cani qué runadiaga, ne stáleruʼ binni huará. Ne Jesús rusianda guirácabe.

Maʼ gudiʼdiʼ chonna iza dede dxi Juan guluunisa Jesús. Yanna Jesús rabi ca apóstol stiʼ de que, qué zandaadiʼ ziécabe Jerusalén, ra zuuticabe laabe ne despué ziásabe de lade gueʼtuʼ. Laga zebe la? zigusiándabe binni huará.

Bisianda Jesús ti gunaa ni huará

Ti dxi Jesús cusiidiʼ dxi sábadu. Dxi sábadu ca la? ti dxi de guendarizilaʼdxiʼ ni para ca judíu ca. Gunaa ni ruuyuʼ raríʼ la? maʼ nápabe dieciocho iza de napandu déchebe ne qué huayanda guzuhuaabe derechu. Nga runi, Jesús ribaquináʼ luguiabe ne laabe ruzuhuaabe derechu. ¡Riándacabe!

Ni biʼniʼ Jesús riʼ la? bichiichini ca xaíque stiʼ ca religión que. Nuu xhoopaʼ gubidxa para gaca dxiiñaʼ, na tobi de ca xaíque que rabi guiráʼ binni que. ¡Nga nga ca dxi para gueeda guiándatu ne cadi dxi sábadu diʼ!

Peru Jesús ricabi: ¡Ni qué iquiiñecaʼ! Tutiica de laatu nuxhegueʼ burru stiʼ ne ni ugueʼ laame nisa dxi sábadu. Nga runi, ñee cadi naquiiñeʼ guianda pobre gunaa ni maʼ napa dieciocho iza de huará riʼ la? Ni bicabi Jesús riʼ bisituí ni lú ca hombre qué iquiiñeʼ que.

Despué la? Jesús ne ca apóstol stiʼ riecaʼ Jerusalén. Ora ridxíñabe gaxha de guidxi Jericó la? chupa hombre nacheepaʼ lú canabaʼ guna rucaacaʼ ridxi: Jesús gucané laadu.

Jesús rucaa ridxi cani nacheepaʼ lú que ne rinabadiidxabe laacaʼ: Xi racaláʼdxitu guneʼ laatu. Ca hombre que na caʼ: Señor bixhaleʼ ludu. Jesús rigaʼnaʼ lúcabe, ¡ne oraqueca ruuyacabe! Nannuʼ xiñee runi Jesús guiráʼ milagru riʼ la? Purtiʼ nadxiibe binni ne racaláʼdxibe gápacabe fe laabe. Ndiʼ ruluíʼ laanu de que dxandipeʼ ora Jesús guni gobernar la? maʼ guirutiʼ zaca huará lu Guidxilayú°riʼ.

Mateo 15:30, 31; Lucas 13:10-17; Mateo 20:29-34.



Guendarinabadiidxaʼ

  • Laga zeʼ Jesús ca guidxi que, xi ziyúnibe yaʼ.
  • Xi gudxi Jesús ca apóstol stiʼ biaʼ chonna iza despué de guyuunisa que.
  • Tu ca binni cá lu dibuju ca, ne xi runi Jesús pur gunaa ca.
  • Xiñee rituí lú ca xaíque stiʼ ca religión que de ni ricabi Jesús laacabe.
  • Ora Jesús ne ca apóstol que nuucabe gaxha de Jericó, xi runi Jesús pur chupa hombre ni nacheepaʼ lú ni canabaʼ guna.
  • Xiñee runi Jesús milagru.

Xcaadxi guendarinabadiidxaʼ

  • Biindaʼ Mateo 15:30, 31.

    Xi guendaridxagayaa de poder stiʼ Jiobá bisihuinni Jesús, ne ximodo zanda gacané ndiʼ laanu guiénenu de ni maʼ bizabiruaa Jiobá chiguni lu guidxilayú cubi ca yaʼ. (Sal. 37:29; Isa. 33:24.)

  • Biindaʼ Lucas 13:10-17.

    Jesús bíʼnibe caadxi de ca milagru jma naroʼbaʼ stibe dxi sábado, ximodo rusihuinni ndiʼ laanu modo zazilaʼdxiʼ binni ora maʼ guni Gobernarbe ti Mil Iza yaʼ. (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

  • Biindaʼ Mateo 20:29-34.

    Ximodo rusihuinni relatu riʼ de que Jesús guleebe tiempu para gacanebe binni, ne xi zanda guizíʼdinu ne laani yaʼ. (Deu. 15:7; Sant. 2:15, 16; 1 Juan 3:17.)