Biiyaʼ guiraʼ ni nuu lu sitiu riʼ

guyé lu índice

Historia 49: Gubidxa que bizuhuaadxí

Historia 49: Gubidxa que bizuhuaadxí

BIIYAʼ Josué. Laabe caniʼbe: ¡Gubidxa, cadi guiniibuʼ! Ne Gubidxa que bizuhuaadxí. Riaanadxini galaa guibáʼ guidubi ti dxi. ¡Jiobá nga bicueezadxini! Peru guidúʼyanu xiñee racalaʼdxiʼ Josué guzaaniruʼ Gubidxa ca.

Gubidxa

Ora ca gaayuʼ rey malu de guidxi Canaán que ruzulú rucaalucaʼ Gabaón la? ca gabaonita ca ruseendacabe ti hombre chitidxi Josué gacané laacabe. ¡Gudáʼ ra nuudu nagueenda! na hombre que. ¡Bilá laadu! Guiráʼ ca rey ni nabeza ndaaniʼ ca dani ca cucaalú ca xpínniluʼ.

Josué ne ca hombre ridinde stiʼ oraqueca riecaʼ. Rizácabe guidubi gueelaʼ ne ora rindácabe Gabaón la? ca soldadu stiʼ ca gaayuʼ rey que ridxíbicaʼ ne ruzulú ruxooñecaʼ. Óraque Jiobá rusaaba jma hielu dede guibáʼ luguiácabe ne jma stale soldadu rati pur ca hielu ca que pur ca hombre ridinde stiʼ Josué.

Josué

Josué ruuyaʼ de que maʼ chiguiaazi Gubidxa ne zacahui, ne stale de ca soldadu stiʼ ca gaayuʼ rey malu que zuxooñecaʼ. Ngue runi Josué riniʼné Jiobá ne óraque riniʼbe: ¡Gubidxa, cadi guiniibuʼ! Ne Gubidxa que bizaaniruʼ, zaqué ca israelita que biʼniʼ ganarcaʼ guendaridinde que.

Nuu xcaadxi rey malu Canaán ni nanaláʼdxicaʼ xquidxi Dios. Xhoopaʼ iza riné Josué ne ca xpinni para guni ganárcabe ca 31 rey de guidxi que. Biluxe si ni la? Josué gundaabe guidxi ca lu ca tribu ni caquiiñeʼ layú.

Ridiʼdiʼ stale iza, oraqueruʼ rati Josué dxi napa 110 iza. Ca dxi nabánibe ne ca xhamígube que la? ca binni que bizuubacaʼ stiidxaʼ Jiobá. Peru ora laacabe ráticabe la? ca binni que puru si ni qué iquiiñeʼ rúnicaʼ ne riuucaʼ lu guendanagana. Yanna huaxa caquiiñecabe gacané Dios laacabe.

Josué 10:6-15; 12:7-24; 14:1-5; Jueces 2:8-13.



Guendarinabadiidxaʼ

  • Casi ruuyuʼ lu dibuju riʼ xi caníʼ Josué ne xiñee.
  • Ximodo racané Jiobá Josué ne ca hombre ridinde stiʼ.
  • Panda rey biʼniʼ ganar Josué ne pabiáʼ dxi.
  • Xiñee gundaa Josué layú stiʼ guidxi Canaán.
  • Panda iza napa Josué ora guti, ne xi raca ca binni que despué.

Xcaadxi guendarinabadiidxaʼ

  • Biindaʼ Josué 10:6-15.

    Ximodo ratadxí ladxidoʼno ora gánnanu de que Jiobá bicueezadxibe Gubidxa ne Elabeu pur ca israelita que. (Jos. 10:8, 10, 12, 13; Sal. 18:3; Pro. 18:10.)

  • Biindaʼ Josué 12:7-24.

    Tuupeʼ nga biʼniʼ ganar ca 31°rey stiʼ guidxi Canaán que ne xiñee risaca ndiʼ para laanu yanna. (Jos. 12:7; 24:11-13; Deu. 31:8; Luc. 21:9, 25-28.)

  • Biindaʼ Josué 14:1-5.

    Ximodo gulaa layú que lu ca tribu stiʼ Israel, ne xi rusihuinni ndiʼ de ni chiguicaanu ndaaniʼ Paraísu ni zeeda ca. (Jos. 14:2; Isa. 65:21; Eze. 47:21-23; 1 Cor. 14:33.)

  • Biindaʼ Jueces 2:8-13.

    Cásica biʼniʼ Josué ora nuu ndaaniʼ guidxi Israel, tu rucueeza cani riníʼ mal de Dios ca dxi stinu riʼ. (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)