Biiyaʼ guiraʼ ni nuu lu sitiu riʼ

guyé lu índice

Historia 27: Ti rey malu runi mandar Egipto

Historia 27: Ti rey malu runi mandar Egipto

CA hombre ruuyuʼ raríʼ°la? cucaacabe binni guni dxiiñaʼ. ¡Biiyaʼ ni caguiñe hombre cayuni dxiiñaʼ ca ne ti chicote! Cani cayuni dxiiñaʼ ca binnilidxi Jacob laacabe, rábicabe laacaʼ israelita. Ne cani cucaa laacabe gúnicabe dxiiñaʼ nga ca egipciu. Ca israelita riʼ beeda gácacaʼ esclavu stícabe. Ximodo guca ndiʼ yaʼ.

Cuquiichináʼ ca egipciu ca israelita

Ca binnilidxi Jacob bibánicaʼ Egipto ne guendariuudxi pur stale iza. Cumu José nga biropa hombre ni jma risaca de Egipto despué de Faraón°la? gunda gupa laacabe. Peru gútisi José la? beeda guiasa sti Faraón ni beeda gaca rey stiʼ Egipto, rey riʼ qué°ñuláʼdxidibe ca israelita.

Faraón, rey malu riʼ bíʼnibe ca israelita que esclavu stibe. Ne bíʼnibe de que tuudxi hombre malu ni qué°iquiiñeʼ gapa laacabe. Ca hombre riʼ°la? bicaacabe guni ca israelita riʼ dxiiñaʼ nadipaʼ ne gúnicaʼ jma guidxi para Faraón. Peru ca israelita que ziguidálerucaʼ. Despué°la? ca Egipciu bidxíbicaʼ guidale ca israelita que ne gácacaʼ jma nadipaʼ que laacaʼ.

Cuquiichináʼ ca egipciu ca israelita

Nannuʼ xi biʼniʼ Faraón°la? Guníʼnebe ca gunaa ni racané ca israelita que ora rápacaʼ xiiñicaʼ, rábibe laacaʼ: Nápatu xi guutitu guiráʼ hombrehuiiniʼ gale. Peru ca gunaa riʼ nabé nacháʼhuicaʼ ne qué ruuticaʼ ca baʼduhuiiniʼ riʼ.

Ngue runi Faraón biʼniʼ mandarbe guidubi guidxi stibe: Laguuti guiráʼ hombrehuiiniʼ de Israel, ne ca dxaapahuiiniʼ ca lagudii lugar guibánicaʼ. Ñee cadi guizáʼ feu nga ni biʼniʼ mandar Faraón riʼ°la? Guidúʼyanu ximodo bilá ti hombrehuiiniʼ.

Éxodo 1:6-22.



Guendarinabadiidxaʼ

  • Tuu ndiʼ hombre naaze chicote cá lu dibuju riʼ ne tuu nga caguíñebe.
  • Xi guca de ca israelita que despué de guti José.
  • Xiñee bidxibi ca egipciu que ca israelita que.
  • Xi gudxi Faraón ca gunaa ni racané ca israelita que ora gápacaʼ xiiñicaʼ.

Xcaadxi guendarinabadiidxaʼ

  • Biindaʼ Éxodo 1:6-22.

    Ximodo bizulú Jiobá biʼniʼ ni bizabiruaabe ne Abraham que. (Éxo. 1:7; Gén. 12:2; Hech. 7:17.)

    Ximodo bisihuinni ca partera que de que rusisácacabe xquendanabani ca baʼduhuiiniʼ que. (Éxo. 1:17; Gén. 9:6.)

    Ximodo bizabi ndaayaʼ Jiobá ca partera que pur qué nucheenecaʼ laabe yaʼ. (Éxo. 1:20, 21; Pro. 19:17.)

    Ximodo gucalaʼdxiʼ Binidxabaʼ nunduuxeʼ ne ni gudixhe ique Jiobá ne Cristu ni zeeda de Abraham. (Éxo. 1:22; Mat. 2:16.)