Biiyaʼ guiraʼ ni nuu lu sitiu riʼ

guyé lu índice

Historia 31: Moisés ne Aarón riguuyacaʼ Faraón

Historia 31: Moisés ne Aarón riguuyacaʼ Faraón

ORA bibiguetaʼ Moisés Egipto°la? gúdxibe bíʼchibe Aarón de ca milagru que. Ne ora Moisés ne Aarón biluíʼcabe ca milagru riʼ ca israelita que°la? guiracaʼ biʼniʼ crecaʼ de que Jiobá nuuné laacabe.

Óraque Moisés ne Aarón yeguuyacabe Faraón ne gúdxicabe laa: Jiobá, Dios stiʼ ca israelita na: Bidii lugar cheʼ binni xquidxeʼ chonna gubidxa lu desiertu para guni adorárcabe naa. Peru Faraón guníʼ: Naa qué runeʼ crediaʼ Jiobá. Qué°zudiediaʼ lugar cheʼ ca israelita°riʼ.

Faraón bidxiichi, purtiʼ nuucabe guicaacabe dxi dxiiñaʼ para chiguni adorárcabe Jiobá. Pur ngue bicaabe laacaʼ gúnicaʼ dxiiñaʼ jma nadipaʼ. Ca israelita que bigaanicabe donda Moisés pur modo cayuninácabe laacaʼ, ne Moisés biuu triste. Peru Jiobá gudxi laabe cadi chuʼbe xizaa. Naa zucaa Faraón gundaa ca binni xquidxeʼ, na Jiobá.

Zuhuaa Moisés ne Aarón nezalú Faraón

Moisés ne Aarón yeguuyacaʼ Faraón sti buelta, ra guyécabe riʼ bíʼnicabe ti milagru. Aarón bilaa xpara layú, ne gúcani ti beendaʼ ngola. Ca hombre nuu xpiaaniʼ stiʼ Faraón laaca bilaacaʼ xpáracaʼ layú, ne laaca biree jma beendaʼ. Peru ¡biiyaʼ! beendaʼ stiʼ Aarón cayabi ca beendaʼ stiʼ ca hombre nuu xpiaaniʼ ca. Nin ne ngue Faraón qué niná diʼ nundaa ca israelita que.

Ngue runi bidxiña dxi gusiidiʼ Jiobá Faraón xiixa. Nannuʼ ximodo bíʼnibeni la? Jiobá biseenda chii plaga o guendanagana luguiáʼ Egipto.

Despué de stale de ca plaga que°la? Faraón rucaaridxi Moisés ne rábibe laa: Bicueeza plaga ca, ne naa zundaa ca israelita riʼ. Peru ribeezadxí si plaga que°la? maʼ qué rinádibe. Despué de chii plaga que Faraón gudxi laacabe chécabe.

Runibiaʼluʼ cada tobi de ca chii plaga riʼ°la? Guidúʼyanu xi laacani.

Éxodo 4:27-31; 5:1-23; 6:1-13, 26-30; 7:1-13.



Guendarinabadiidxaʼ

  • Xi biʼniʼ ca israelita que ora bíʼyacaʼ guiráʼ milagru biʼniʼ Moisés ne Aarón.
  • Moisés ne Aarón, xi gúdxicabe Faraón ne xi bicabi laacabe.
  • Casi rihuinni lu dibuju riʼ, xi guca ora bilaa Aarón xpara layú.
  • Xi bisiidiʼ Jiobá Faraón ne ximodo bicábibe yaʼ.
  • Xi guca despué de chii plaga que.

Xcaadxi guendarinabadiidxaʼ

  • Biindaʼ Éxodo 4:27-31 ne 5:1-23.

    Xi gucalaʼdxiʼ Faraón niníʼ ne ca diidxaʼ: «Qué°liica runebiaʼyaʼ Jiobá». (Éxo. 5:2; 1 Sam. 2:12; Rom. 1:21.)

  • Biindaʼ Éxodo 6:1-13, 26-30.

    Ximodo ndiʼ qué nusihuinni Jiobá laa nezalú Abraham, Isaac ne Jacob. (Éxo. 3:13, 14; 6:3; Gén. 12:8.)

    Xi runi sentirnu ora gánnanu de que Jiobá biquiiñebe Moisés, nécaxa laa qué gánnapeʼ de dxiiñaʼ ni chiguni. (Éxo. 6:12, 30; Luc. 21:13-15.)

  • Biindaʼ Éxodo 7:1-13.

    Ora Moisés ne Aarón yeguiníʼcabe ne guendanadxibalú ca juiciu stiʼ Jiobá ra nuu Faraón, xi ejemplu guláʼquicabe para cani cayuni ni na Dios yanna riʼ. (Éxo. 7:2, 3, 6; Hech. 4:29-31.)

    Ximodo bisihuinni Jiobá de que laa nga ni Nuu Jma Luguiáʼ que de guiráʼ dios stiʼ ca egipciu que. (Éxo. 7:12; 1 Cró. 29:12.)