Biiyaʼ guiraʼ ni nuu lu sitiu riʼ

guyé lu índice

Historia 29: Xiñee bixooñeʼ Moisés

Historia 29: Xiñee bixooñeʼ Moisés

BIIYAʼ Moisés; cuxooñeʼ de Egipto. Ñee zanda guʼyuʼ cani ladxi laabe ca la? Nannuʼ xiñee nuucabe guuticabe laabe la? Guidúʼyanu pa ganda gánnanu xiñee.

Bixooñeʼ Moisés de Egipto

Moisés biniisi ralidxi Faraón, xaíque Egipto. Gúcabe ti hombre nabé nuu xpiaaniʼ ne risaca. Moisés maca nanna cadi egipciu diʼ laa, ne de que cani dxandíʼ bixhózebe°la? nácacaʼ esclavu israelita.

Dxi maʼ napa Moisés 40 iza°la? guníʼ íquebe chiguuyabe ximodo nuu xquídxibe. Biiyabe cayuninácabe laacaʼ, ne biiyabe ti egipciu caguiñe ti esclavu israelita. Moisés biiyadxí guiráʼ ladu, cumu qué ñuuyabe guirutiʼ tu cayapa raqué°la? bininabe laa, ne guti. Moisés bicaachiʼ gueʼtuʼ que lade yuxi.

Sti dxi que yeguuya Moisés xquidxi sti buelta. Ruzulube ñanda ñacanebe laacaʼ para cadi ñácacaʼ esclavu. Peru biiyabe cadinde chupa israelita, óraque Moisés gudxi ni napa donda que: Xiñee caguíñeluʼ bíʼchiluʼ pue.

Hombre que rabi laabe: Tu biʼniʼ lii xaíque ne juez stidu yaʼ. Ñee laaca zuutiluʼ naa casi biitiluʼ egipciu que la?

Óraque la? Moisés bidxibi. Biiyabe maʼ nanna binni xi bíʼnibe egipciu que. Dede Faraón gunna ni ne biseendabe tuudxi hombre chiguuti Moisés. Ngue runi Moisés gupa xidé bixooñeʼ de Egipto.

Ora biree Moisés de Egipto la? guyebe zitu, dede ti guidxi láʼ Madián. Raqué gucabiaʼbe binnilidxi Jetró ne bichaganabe ti xiiñiʼ, láʼ Ziporá. Moisés gupa ca dendxuʼ stiʼ Jetró. Gulézabe cuarenta iza Madián. Yanna, Moisés maʼ napa 80 iza. Ti dxi, laga cayápabe dendxuʼ stiʼ Jetró la? bizaaca ti guendaridxagayaa ni bichaa guidubi xquendanabánibe. Guidúʼyanu xii ndiʼ guendaridxagayaa riʼ.

Éxodo 2:11-25; Hechos 7:22-29.



Guendarinabadiidxaʼ

  • Paraa biniisi Moisés ne xi gúnnabe de ca bixhózebe.
  • Xi biʼniʼ Moisés dxi maʼ napa cuarenta iza.
  • Xi gudxi Moisés ti israelita ni caguiñe stobi que ne xi bicabi hombre que laabe.
  • Xiñee bixooñeʼ Moisés de Egipto.
  • Paraa yendá Moisés ora bixooñeʼ de Egipto ne tu binibiaʼbe raqué.
  • Xi biʼniʼ Moisés lu sti cuarenta iza que.

Xcaadxi guendarinabadiidxaʼ

  • Biindaʼ Éxodo 2:11-25.

    Nécaxa biziidiʼ Moisés stale iza ne ca egipciu, ximodo bisihuínnibe de que qué nusaanabe Jiobá ne xquidxi yaʼ. (Éxo. 2:11, 12; Heb. 11:24.)

  • Biindaʼ Hechos 7:22-29.

    Xi zanda guizíʼdinu de ni bizaaca Moisés ora gucaláʼdxibe nulabe guidxi Israel de lu náʼ Egipto. (Hech. 7:23-25; 1 Ped. 5:6, 10.)