Biiyaʼ guiraʼ ni nuu lu sitiu riʼ

guyé lu índice

Historia 23: Ca xpacaandaʼ Faraón

Historia 23: Ca xpacaandaʼ Faraón

GUDIʼDIʼ chupa iza, José deguyooroʼ. Coperu que la? qué guietenaláʼdxidibe José. Málasi ti gueelaʼ Faraón gupa chupa bacaandaʼ gadxepeʼ de cani huaníʼ xcaandabe, ne nuube gánnabe xi riníʼ cani. Ruuyuʼ laabe nisiaasibe racá°la? Sti dxi queca Faraón bisendacaa ca hombre nuu xpiaaniʼ stiʼ, ne riníʼnebe laacaʼ xi guníʼ xcaandabe. Peru laacaʼ qué ganda diʼ gábicaʼ laabe xi riníʼ ca xpacaandabe.

Oraqueruʼ bietenalaʼdxiʼ coperu que José. Rábibe Faraón: Dxi biseguyoocabe naa que°la? raqué nuu ti hombre ni randa riníʼ xi na ca bacaandaʼ ca. Oraqueca bisendacaa Faraón José de ndaaniʼ lidxi guiibaʼ que.

Faraón guniʼné José ca xpacaandaʼ: Biiyaʼ gadxe vaca guizáʼ riroo ne nabé sicarú. Óraque biiyaʼ gadxe vaca bidxi nisi dxitaládicaʼ, ne ca vaca bidxi que gudocaʼ ca vaca ngola que.

Caníʼ xcaandaʼ Faraón

Lu guiropa bacaandaʼ stinneʼ biiyaʼ gadxe ramahuiiniʼ dxáʼtipa de biidxiʼ güi, ni caniisi lu ti nite guié si. Óraque biiyaʼ gadxe ramahuiiniʼ cá huaxiepeʼ biidxiʼ lu ne nabé nabidxi, ne ca ramahuiiniʼ cá huaxiepeʼ lu que bizulucaʼ gúbicaʼ xcadxe ramahuiiniʼ sicarú que.

José rabi Faraón: Guiropaʼ bacaandaʼ ca la? tobi si riníʼ cani. Gadxe vaca ni nabé riroo ca ne gadxe ramahuiiniʼ dxáʼtipa de biidxiʼ ca°la? riníʼ ni gadxe iza, ne gadxe vaca bidxi ne gadxe ramahuiiniʼ de biidxiʼ ni nabidxi ca riníʼ ni xcadxe iza. Zeeda gadxe iza ra ziuu stálepeʼ guendaró Egipto, ne óraque zeeda xcadxe iza ra ziuu huaxiepeʼ guendaró.

Ngue runi José rabi Faraón: Biyubi tobi hombre ni nuu xpiaaniʼ ne bidii gutópabe guendaró lu gadxe iza sicarú zeeda riʼ, ne zacá binni qué zátidiʼ de guendarindaana lu xcadxe iza ra ziuu huaxiepeʼ guendaró ca.

Faraón guyuulaʼdxiʼ ni guníʼ José ca, ne gulibe José para gutopalú guendaró. José beeda gaca ti hombre jma risaca de Egipto despué de Faraón.

Xhono iza despué de ngue°la? ora beeda guendarindaana que José biiyaʼ zeeda tuudxi hombre. Nannuʼ tu laacabe la? ¡Ca chii bíʼchibe ni huaniisi! Cumu maʼ cará guendaró stícabe Canaán°la? Jacob bixhózecabe biseenda laacabe Egipto. José runibiáʼ ca biʼchiʼ peru laacabe que runibiáʼdicabe laabe. Nannuʼ xiñee°la? Purtiʼ José maʼ huaniisi ne maʼ gadxé modo nabaʼquiʼ lari.

José bietenalaʼdxiʼ ni guníʼ xcaandaʼ dxi nahuiiniʼ, de que ca bíʼchibe zeeda gusaba íquecaʼ nezalube. Rietenalaʼdxuʼ de que maʼ biinduʼ ndiʼ°la? Ngue runi José biiyaʼ de que Dios nga biseenda laabe Egipto, ne nuu xi pur. Xi raʼbuʼ runi José°yaʼ. Chiguidúʼyanu.

Génesis 41:1-57; 42:1-8; 50:20.



Guendarinabadiidxaʼ

  • Xi guca Faraón ti gueelaʼ.
  • Xiñee rietenalaʼdxiʼ coperu que de José.
  • Casi rihuinni lu dibuju riʼ, xi chupa bacaandaʼ gupa Faraón.
  • Casi na José, xi riníʼ ca bacaandaʼ que.
  • Ximodo reeda gaca José tobi hombre jma risaca de Egipto despué de Faraón.
  • Xiñee rie ca biʼchiʼ José Egipto ne xiñee qué runibiáʼcabe laabe.
  • Xi bacaandaʼ rietenalaʼdxiʼ José ne xi racané ni laabe guiénebe.

Xcaadxi guendarinabadiidxaʼ

  • Biindaʼ Génesis 41:1-57.

    Ximodo bisisaca José Jiobá, ne ximodo zanda guni ca xpinni Cristu cásica bíʼnibe ca. (Gén. 41:16, 25, 28; Mat. 5:16; 1 Ped. 2:12.)

    Egipto gupa stale guendaró gadxe iza ne gadxe iza de guendarindaana, xi rusihuinni ni de modo nuu xquidxi Dios ne ca yuʼduʼ ni na zinándacaʼ Cristu (Gén. 41:29, 30; Amós 8:11, 12).

  • Biindaʼ Génesis 42:1-8 ne 50:20.

    Ñee jneza nga gusuxibi cani runi adorar Jiobá nezalú tuuxa hombre para guluíʼ de que rusisaca ne napa respetu pur ni nácabe, pa zacá maʼ biaa ca binni xquidxi°la? (Gén. 42:6.)