Biiyaʼ guiraʼ ni nuu lu sitiu riʼ

guyé lu índice

Historia 22: José deguyoo

Historia 22: José deguyoo

JOSÉ napa 17 iza ora zinécabe laa Egipto. Raqué bitoocabe laabe lu ti hombre láʼ Potifar, ne hombre riʼ°la? rúnibe xhiiñaʼ rey stiʼ Egipto, rey ni rábicabe Faraón.

Deguyoo José

Nadipaʼ dxiiñaʼ runi José para xpixuaanaʼ, Potifar. Ngue runi, biniisi si José°la? Potifar bidii laabe gápabe guiráʼ stiʼ. Peru xiñee deguyoo José pue. Pur xheelaʼ Potifar.

Ora biniisi José gúcabe ti hombre guizáʼ galán, ngue runi xheelaʼ Potifar gucalaʼdxiʼ ñatané José laa. Peru José qué niná°diʼ purtiʼ nánnabe de que malu ni. Xheelaʼ Potifar ridxiichi stálepeʼ, ngue runi ora beeda xheelabe la? rusiguiibe laa ne rábibe laa: ¡José gucalaʼdxiʼ ñatané naa! Potifar biʼniʼ cré xheelaʼ ne bidxiichinebe José ne biseguyoobe laa.

Qué nindaa diʼ, hombre ni rapa ralidxi guiibaʼ que biiyabe de que José guizáʼ nachaʼhuiʼ, ngue runi bidiibe laa gapa guiráʼ cani deguyoo que. Despué Faraón bidxiichinebe coperu ne panaderu stibe ne biseguyoobe laacaʼ. Ti gueelaʼ cada tobi de laacabe guníʼ xcaandacabe peru qué gánnacabe xi riníʼ cani. Sti dxi que na José rabi laacabe: Lagabi naa xi guníʼ xcaandatu. Ne óraque gucané Dios José para gunda bisiénebe ca bacaandaʼ que.

José gudxi coperu que: Lu chonna gubidxa zareeluʼ de raríʼ, ne zabiguetaʼ zácaluʼ coperu stiʼ Faraón. Ngue runi José rabi laabe: Ora guireeluʼ°la? bizeete naa nezalú Faraón ne gucané naa guiree raríʼ. Peru panaderu que°la? José rabi laa: Lu chonna gubidxa Faraón zugá yánniluʼ.

Lu chonna gubidxa que guca cásipeʼ modo guníʼ José que. Faraón rugabe yanni panaderu que, peru coperu que rundaacabe laa ne ribiguetaʼ runi xhiiñaʼ rey que. ¡Peru rusiaandabe José! Qué ruzeetedibe laa nezalú Faraón, ngue runi José gupa xidé biaana ralidxi guiibaʼ que.

Génesis 39:1-23; 40:1-23.



Guendarinabadiidxaʼ

  • Panda iza napa José ora rinécabe laa Egipto ne xi raca ora rindabe raqué.
  • Xiñee ruseguyoocabe José.
  • Xi dxiiñaʼ bidiicabe José ra bideguyoo que.
  • Xi runi José pur coperu ne panaderu stiʼ Faraón laga deguyoocabe.
  • Xi raca ora ribeecabe coperu que ra deguyoo que.

Xcaadxi guendarinabadiidxaʼ

  • Biindaʼ Génesis 39:1-23.

    Neca dxiqué gastiʼ ti ley ni guiníʼ cadi°chuʼné binni xheelaʼ stobi, xi bicaa José guxooñeʼ de lu náʼ xheelaʼ Potifar. (Gén. 2:24; 20:3; 39:9.)

  • Biindaʼ Génesis 40:1-23.

    Bizeeteʼ bacaandaʼ stiʼ coperu que ne xi riníʼ ni casi modo gudxi Jiobá José (Gén. 40:9-13).

    Xi bacaandaʼ gupa panaderu que ne xi riníʼ ni. (Gén. 40:16-19.)

    Ximodo ndiʼ cayuni grupu de binni ni naca de ca mozo ni nuu xpiaaniʼ ne ni runi jneza casi biʼniʼ José dxiqué. (Gén. 40:8; Sal. 36:9; Juan 17:17; Hech. 17:2, 3.)

    Ximodo cusiene Génesis 40:20 modo naquiiñeʼ guuyaʼ ca xpinni Cristu guendarusaa iza. (Ecl. 7:1; Mar. 6:21-28.)