Biiyaʼ guiraʼ ni nuu lu sitiu riʼ

guyé lu índice

Historia 21: Ca biʼchiʼ José nanaláʼdxicaʼ laabe

Historia 21: Ca biʼchiʼ José nanaláʼdxicaʼ laabe

¡BIIYAʼ pabiáʼ triste nuu hombrehuiiniʼ ca! José nga. Casi bitoo ca bíʼchibe laabe lu ca hombre cheʼ Egipto ca. Racá zúnicabe laabe esclavu. Xiñee biʼniʼ ca bíʼchibe laabe guendaquéiquiiñeʼ°riʼ pue. Purtiʼ nápacabe envidia laabe.

Cutoo ca biʼchiʼ José laa

Jacob bixhózecabe°la? nadxiibe stálepeʼ José. Bisihuínnibeni ra gudíbabe ti lari ziuulaʼ ne sicarú stiʼ. Ora biiyaʼ ca chii bíʼchibe huaniisi pabiáʼ nadxiibe José°la? bizulúcabe bidxiichinécabe José ne guca nanaláʼdxicabe laa. Peru nuuruʼ xi pur guca nanaláʼdxicabe laabe.

José gupa chupa bacaandaʼ. Lu guiropaʼ bacaandaʼ que°la? ca bíʼchibe nusaba íquecaʼ nezalube. Ora guniʼné José laacabe bacaandaʼ stiʼ°la? jmaruʼ si guca nanaláʼdxicabe laabe.

Ti dxi ora ca bíʼchibe jma huaniisi zigápacaʼ dendxuʼ stiʼ bixhózecabe°la? Jacob gudxi laabe chiguuyabe ximodo nuu ca bíʼchibe. Casi biiyacaʼ ziguidxíñabe la? caadxi de laacabe na: ¡Guutinu laabe! Peru Rubén, ni huaniisi que na: ¡Coʼ, cadi gúnitu nga! Ni bíʼnicabe nga, guluucabe laabe ndaaniʼ ti bizé nabidxi. Óraque guníʼ stiidxacabe xi guninécabe bíʼchicabe José.

Laga caníʼcabe la? zidiʼdiʼ caadxi ismaelita. Óraque Judá gudxi ca biʼchiʼ: Gutoono laabe lu ca ismaelita riʼ. Ne ngue bíʼnicabe, ¡Bitoocabe José pur gande moneda de plata! ¡Guizáʼ malu nga ni bíʼnicabe ca!

Xi gábicabe bixhózecabe yanna yaʼ. Biiticabe ti chiva ne bigádxecabe xhábabe que de rini stime, ne yenécabe ni ra nuu bixhózecabe Jacob ne gúdxicabe laa: Bidxéladu ndiʼ, biiyaʼ pa cadi°xhaba José ni.

Biiyaʼ si Jacob de que xhábabe ni la? bicaabe ti ridxi: Zándaca ti maniʼ duxhuʼ nga biiti José. Ne ngapeʼ nga nuucaʼ biʼchiʼ José guiníʼ ique bixhózecaʼ. Jacob guizáʼ triste riuu, ne ruunabe stale dxi. Peru José qué ñátidiʼ, guidúʼyanu xi gúcabe ra zinécabe laabe.

Génesis 37:1-35.



Guendarinabadiidxaʼ

  • Xiñee gupa ca biʼchiʼ José envidia laa ne xi bíʼnicabe.
  • Xi racalaʼdxiʼ ca biʼchiʼ José gúnicaʼ laabe, peru xi riníʼ Rubén.
  • Xi raca ora zidiʼdiʼ caadxi ismaelita.
  • Xi runi ca biʼchiʼ José para guiníʼ ique bixhózecabe de que maʼ guti José.

Xcaadxi guendarinabadiidxaʼ

  • Biindaʼ Génesis 37:1-35.

    Ximodo zanda chinanda ca xpinni Cristu casi biʼniʼ José ora guiníʼcabe de xiixa ni nadxabaʼ raca ndaaniʼ ca guendaridagulisaa ca. (Gén. 37:2; Lev. 5:1; 1 Cor. 1:11.)

    Xi bicaa ca biʼchiʼ José gutoocaʼ laabe. (Gén. 37:11, 18; Pro. 27:4; Sant. 3:14-16.)

    Xi biʼniʼ Jacob ni bisihuinni de que gastiʼ naca guni binni ni ora gati tuuxa. (Gén. 37:35.)