Biiyaʼ guiraʼ ni nuu lu sitiu riʼ

guyé lu índice

Historia 19: Jacob ne guiráʼ binnilidxi

Historia 19: Jacob ne guiráʼ binnilidxi
Jacob né ca xiiñiʼ

BIIYADXÍ guiráʼ binni nuu raríʼ, ndiʼ nga ca doce xiiñiʼ Jacob. Laaca gúpabe xiiñibe gunaa. Nannuʼ tu láʼ caadxi de laacabe la? Pue chiguizíʼdinu tu lácabe.

Lea gupa Rubén, Simeón, Leví, ne Judá. Ora biiyaʼ Raquel cadi°cayapa xiiñiʼ la? guyuube triste. Ngue runi bidiibe Jacob ti gunaa ni racané laabe, láʼ Bilhá, ne Bilhá gupa chupa xiiñiʼ, Dan ne Neftalí. Óraque Lea laaca bidii Jacob Zilpá gunaa ni racané laa, ne Zilpá gupa Gad ne Aser. Últimu la? Lea gupa xhupa baʼduʼ, Isacar ne Zabulón.

Despué Raquel maʼ gunda gupa ti xiiñiʼ, gulee labe laa José. Despué zazíʼdinu jma de José riʼ purtiʼ beeda gácabe ti binni ni nabé risaca. Ndiʼ nga ca once xiiñiʼ Jacob ni gule dxi gulézabe ra nuu Labán bixhoze Raquel.

Jacob laaca gupa xiiñidxaapaʼ, peru Biblia ruzeeteʼ lá tobi si de laacabe, labe Dina.

Bigaanda dxi Jacob guníʼ ique gusaana Labán ne guibiguetaʼ Canaán, ngue runi gucuaabe guiráʼ binnilídxibe ne ca dendxuʼ ne yuze stibe ne bireecabe de raqué.

Despué de bibiguetaʼ Jacob ne binnilidxi Canaán la? Raquel gupa sti xiiñiʼ, ndiʼ guca ora guyécabe sti guidxi. Raquel que ñanda diʼ ñapagá xiiñiʼ, ngue runi gútibe, peru baʼduhuiiniʼ que bilá, ne gulee lá Jacob laabe Benjamín.

Xiñee qué guietenaláʼdxinu lá ca doce xiiñiʼ Jacob. Purtiʼ guidubi guidxi de Israel°la? zeeda de laacabe. Ne ca doce tribu stiʼ Israel zinecaʼ lá chii xiiñiʼ Jacob ne chupa xiiñiʼ José. Isaac bibániruʼ stale iza despué de gule ca hombrehuiiniʼ°riʼ, ne zándaca biéchebe gúpabe stale xhiágabe. Peru guidúʼyanu xi guca ti xhiágabe, Dina.

Génesis 29:32-35; 30:1-26; 35:16-19; 37:35.



Guendarinabadiidxaʼ

  • Tu láʼ ca xhoopaʼ xiiñiʼ Jacob ni gupanebe Lea primé xheelabe que.
  • Tu láʼ guiropaʼ xiiñiʼ Jacob ni gupanebe Zilpá gunaa ni racané Lea que.
  • Tu láʼ guiropaʼ xiiñiʼ Jacob ni gupanebe Bilhá, gunaa ni racané Raquel que.
  • Tu láʼ guiropaʼ baʼduhuiiniʼ gupa Raquel ne xi guca ora gule últimu que.
  • Casi ruuyuʼ lu dibuju°riʼ, panda xiiñiʼ Jacob ne xi guidxi beeda chuu pur laacabe.

Xcaadxi guendarinabadiidxaʼ

  • Biindaʼ Génesis 29:32-35; 30:1-26 ne 35:16-19.

    Casi rúʼyanu de ca doce xiiñiʼ Jacob que, ximodo raʼtaʼ lá ca baʼduhuiiniʼ hebreu de dxiqué.

  • Biindaʼ Génesis 37:35.

    Neca lá si Dina rieete ndaaniʼ Biblia, ximodo nánnanu de que Jacob gupa jma xiiñidxaapaʼ. (Gén. 37:34, 35.)