Biiyaʼ guiraʼ ni nuu lu sitiu riʼ

guyé lu índice

Historia 18: Jacob zeʼ Harán

Historia 18: Jacob zeʼ Harán

ÑEE nannuʼ tuu nga ca hombre ni caniʼné Jacob riʼ la? Despué de chupa chonna gubidxa de biree Jacob xquidxi la? yendá laacabe gaxha de ti bizé cayápacabe dendxuʼ stícabe. Jacob gunabadiidxaʼ: De paraa laatu.

De Harán, bicábicaʼ.

Ñee racabiaʼtu Labán la? gunabadiidxaʼ Jacob.

Racabiaʼdu, nacaʼ. Biiyaʼ, raríʼ zeeda xhiiñibe Raquel ne guiráʼ dendxuʼ stiʼ. Zanda guuyuʼ Raquel ziguidxiña racá°la?

Ora biiyaʼ Jacob zeeda Raquel ne ca dendxuʼ stiʼ stiube Labán°la? bidxíñabe ne guleebe guié que ruaa bizé que ti ganda gueʼ ca dendxuʼ que nisa. Óraque Jacob bidiibe ti bixiduʼ Raquel ne gúdxibe laa tu laabe. Raquel biecheʼ stálepeʼ, ne óraque yebiibe ne gúdxibe bixhózebe Labán ni guca que.

Bidxaagulú Jacob Raquel

Labán biecheʼ stale purtiʼ chiguiaana Jacob ralidxi. Ora gudxi Jacob laabe rapa gana guichaganáʼ xiiñibe Raque°la? Labán biecheʼ. Peru gunábabe Jacob guni dxiiñaʼ lu layú stibe gadxe iza ti guichaganabe Raquel. Jacob biʼniʼ ni, purtiʼ nadxiibe stálepeʼ Raquel. Peru nannuʼ xi guca ora bidxiña dxi guichaganácabe°la?

Labán bidii laabe Lea baʼdudxaapaʼ huaniisi stiʼ ne cadi Raquel°diʼ. Ora guníʼ Jacob zuni dxiiñaʼ xcadxe iza°la? Labán laaca bidii laabe Raquel para guichaganabe laa. Dxiqué°la? Dios bidii lugar ca hombre que gápacaʼ chupa chonna xheelacaʼ. Peru yanna°la? riquiiñeʼ gápacabe tobi si casi na Biblia.

Génesis 29:1-30.



Guendarinabadiidxaʼ

  • Tu baʼdudxaapaʼ cá lu dibuju°riʼ ne xi biʼniʼ Jacob pur laabe.
  • Xi gudixhe ique Jacob guni para ganda guichaganabe Raquel.
  • Xi biʼniʼ Labán ora bidxiña dxi guichaganáʼ Jacob ne Raquel.
  • Xi biʼniʼ Jacob ti ganda guichaganabe Raquel.

Xcaadxi guendarinabadiidxaʼ

  • Biindaʼ Génesis 29:1-30.

    Nécapeʼ bisiguii Labán, ximodo bisihuinni Jacob de que gupa respetu ne xi rizíʼdinu de laabe. (Gén. 25:27; 29:26-28; Mat. 5:37.)

    Ximodo rusihuinni ejemplu stiʼ Jacob de que gadxé nga guendarannaxhii ne gadxé nga caprichu. (Gén. 29:18, 20, 30; Cant. de Cant. 8:6.)

    Tuu nga guidapaʼ gunaa ni guca binnilidxi Jacob ne laaca gúpacaʼ xiiñibe. (Gén. 29:23, 24, 28, 29.)