Biiyaʼ guiraʼ ni nuu lu sitiu riʼ

guyé lu índice

Historia 17: Ti cuachi ni gadxepeʼ laacaʼ

Historia 17: Ti cuachi ni gadxepeʼ laacaʼ
Esaú

GUIROPAʼ hombrehuiiniʼ ni ruuyuʼ ca°la? gadxepeʼ laacabe, njaʼ. Nannuʼ tu lácabe°la? Ni naazeʼ flecha ca nga Esaú, ne hombrehuiiniʼ cayapa dendxuʼ ca nga Jacob.

Esaú ne Jacob nga ca cuachi stiʼ Isaac ne Rebeca. Isaac bixhózecabe°la? nabé gunaxhiibe Esaú purtiʼ rie guuzeʼ ne ruuti maniʼ guiʼxhiʼ para raca guendaró gó ca binnilídxibe. Peru Rebeca jma gunaxhiibe Jacob, purtiʼ nabé nadóʼ ne nachaʼhuiʼ.

Cumu bixhozebídacabe Abraham nabániruʼ°la? zanda guiníʼ íquenu pabiáʼ riulaʼdxiʼ Jacob gucaadiaga laabe guiniʼbe de Jiobá. Bigaanda dxi guti Abraham dxi napa 175 iza ora ca cuachi que maʼ nápacaʼ 15 iza.

Ora gupa Esaú 40 iza°la? bichaganabe chupa gunaa de guidxi Canaán. Ndiʼ°la? bininani Isaac ne Rebeca, purtiʼ ca gunaa°riʼ qué runi adorárdicaʼ Jiobá.

Ti dxi la? guca xiixa ni bicaa Esaú guidxiichi xhaataʼ ne biʼchiʼ Jacob. Bidxiña dxi uguu Isaac ndaayaʼ baʼduʼ primé stiʼ, cumu Esaú jma huaniisi que Jacob°la? cabézabe guicaabe ndaayaʼ que. Peru Esaú maʼ bitoo derechu de guicaa ndaayaʼ que lu Jacob, ne ora gúlecabe°la? Dios maca guníʼ de que Jacob nga chiguicaa ndaayaʼ que. Ne ndiʼ nga ni guca, Isaac guluu ndaayaʼ Jacob.

Jacob

Despué, ora gunna Esaú de ni guca que°la? bidxiichinebe Jacob, bidxiichi xhaatabe dede guniʼbe zuutibe laa. Ora gunna Rebeca ni°la? bichíbini laabe stálepeʼ. Ngue runi, gúdxibe xheelabe Isaac: Pa Jacob laaca guichaganáʼ tobi de ca gunaa de Canaán la? nagana zaca para laanu guni huantarnu ni.

Ngue runi Isaac bicaabe ridxi xiiñibe Jacob ne gúdxibe laa: Cadi guichaganouʼ tobi de ca gunaa de Canaán. Jma galán cheluʼ Harán ralidxi bixhozebídaluʼ Betuel ne guichaganaluʼ tobi de ca xhiágabe, ti xiiñiʼ Labán.

Jacob bizuubaʼ stiidxaʼ bixhoze ne bireebe zebe Harán; guzabe zítupeʼ para guyuube ra nabeza ca binnilídxibe.

Génesis 25:5-11, 20-34; 26:34, 35; 27:1-46; 28:1-5; Hebreos 12:16, 17.



Guendarinabadiidxaʼ

  • Tu guca Esaú ne Jacob ne ximodo nga gadxé gadxé cada tóbicabe.
  • Panda iza napa Esaú ne Jacob ora guti bixhozebídacabe.
  • Xi biʼniʼ Esaú ni nabé guluu bixhózebe ne jñaabe triste.
  • Xiñee bidxiichiné Esaú Jacob.
  • Xi gudxi Isaac Jacob ni naquiiñeʼ guni.

Xcaadxi guendarinabadiidxaʼ

  • Biindaʼ Génesis 25:5-11, 20-34.

    Xi guníʼ Jiobá ni zazaaca guiropaʼ xiiñiʼ Rebeca. (Gén. 25:23.)

    Ximodo nga gadxé gadxé modo riníʼ ique Jacob ne Esaú ne derechu ni nápacabe de gácacabe baʼduʼ lugola. (Gén. 25:31-34.)

  • Biindaʼ Génesis 26:34, 35; 27:1-46, ne 28:1-5.

    Ximodo bisihuinni Esaú de que qué nusisácadibe cani zeeda de Dios. (Gén. 26:34, 35; 27:46.)

    Para ganda guicaa Jacob ndaayaʼ stiʼ Dios, xi gudxi Isaac laabe gúnibe. (Gén. 28:1-4.)

  • Biindaʼ Hebreos 12:16, 17.

    Ximodo rusihuinni ejemplu stiʼ Esaú de ni cabeza guiráʼ cani qué rusisaca ni zeeda de Dios.