Biiyaʼ guiraʼ ni nuu lu sitiu riʼ

guyé lu índice

2 Ndaa: De ra beeda Nisaguié naro’ba’ dede ra bilácabe Egipto

2 Ndaa: De ra beeda Nisaguié naro’ba’ dede ra bilácabe Egipto

Xhono si binni bilá lu Nisaguié naro’ba’ que, peru chaahuidugá bidálecabe. Despué de 352 iza de beeda Nisaguié naro’ba’ que la? gule Abraham. Zazí’dinu ximodo Dios bi’ni’ ni bizabiruaa ra bidiibe Abraham ti xiiñi’ ni biree lá Isaac. Ne de lu guiropa’ xiiñi’ Isaac que la? Dios gulí Jacob.

Binnilidxi Jacob nabé bidale, gúpabe doce hombre ne chupa chonna gunaa. Ca chii xiiñi’ Jacob ri’ la? guca nanalá’dxicabe bí’chicabe ni jma nahuiini’, José, ne bitoocabe laabe para gácabe esclavu Egipto. Despué José beeda gaca ti hombre risaca Egipto. Ora beeda ti guendarindaana la? José biiya’ pa dxandí’ ma’ bichaa ca bi’chi’. Despué guirá’ binnilidxi Jacob o ca israelita la? yendézaca’ Egipto. Guca ndi’ chupa gayuaa noventa iza despué de gule Abraham.

Lu chupa gayuaa quince iza gudi’di’ que la? ca israelita que gulézaca’ Egipto. Guti si José la? ma’ beeda gácacabe esclavu raqué. Despué gule Moisés, ne Dios biquiiñe’ laabe para gulabe ca israelita que de Egipto. Bia’si rizaa xhono gayuaa cincuenta y siete iza de historia lu 2 NDAA°ri’.

Guiráʼ binnilidxi Jacob yendeza Egipto