Biiyaʼ guiraʼ ni nuu lu sitiu riʼ

guyé lu índice

Historia 8: Gigante lu Guidxilayú

Historia 8: Gigante lu Guidxilayú

PA TUUXA nidxiña ra nuuluʼ guizáʼ nasoo dede nugaanda ique ruaa yoo stiluʼ, xi niníʼ íqueluʼ. ¡De que nácabe ti gigante xa! Dxiqué la? guyuu caadxi binni zacá lu Guidxilayú. Biblia na de que bixhózecabe gúcacaʼ ángel guibáʼ. Peru ximodo guca nga°yaʼ.

Ca gigante malu

Bietenalaʼdxiʼ, Binidxabaʼ ángel malu que guluube stale guendanagana, dede biyúbibe ximodo ca ángel stiʼ Dios laaca gácacaʼ malu. Despué la? caadxi de ca ángel que bizulú bicaadiágacaʼ Binidxabaʼ. Bisaanacabe dxiiñaʼ ni bidii Dios laacabe guibáʼ. Beedacabe lu Guidxilayú ne gúcacabe casi binni. Nannuʼ xiñee°la?

Biblia caníʼ de que biiyacabe caadxi gunaa sicarú lu Guidxilayú riʼ ne gucaláʼdxicabe guibaninécabe laacaʼ. Ngue runi beedacabe ne bichaganácabe laacaʼ. Biblia na guizáʼ malu ni bíʼnicabe riʼ, purtiʼ Dios bizáʼ ca ángel ca para cuézacaʼ guibáʼ.

Ora xheelaʼ ca ángel que gúpacaʼ xiiñicaʼ la? ca baʼduhuiiniʼ riʼ gúcacaʼ gadxé. Primé°la? bihuínnicabe casi xcaadxi baʼduhuiiniʼ que. Peru guizáʼ biniisicaʼ ne gúcacaʼ nadipaʼ, zaqué dede gúcacaʼ gigante.

Ca gigante riʼ gúcacaʼ malu. Ne pur naróʼbacabe ne nadípacabe que°la? nabé bininácabe binni. Gucaláʼdxicabe ñaca guiráʼ ca binni que malu casi laacabe.

Enoc maʼ guti, peru guyuu sti hombre nachaʼhuiʼ lu Guidxilayú°riʼ. Hombre riʼ°la? biree lá Noé. Laabe qué nusaanabe de ñúnibe ni na Dios.

Ti dxi Dios gudxi Noé de que maʼ bidxiña dxi gunitilube guiráʼ ca malu ca. Peru laabe zulabe Noé ne ca binnilidxi ne stale de ca maniʼ ca. Guidúʼyanu ximodo bíʼnibe ni.

Génesis 6:1-8; Judas 6.



Guendarinabadiidxaʼ

  • Xi guca ora caadxi ángel stiʼ Dios bicaadiágacaʼ Binidxabaʼ.
  • Xiñee bisaana caadxi de ca ángel que xhiiñacaʼ guibáʼ ne beedacabe lu Guidxilayú riʼ.
  • Xiñee guizáʼ malu ni biʼniʼ ca ángel que, de gueedacabe lu Guidxilayú riʼ ne gácacabe casi binni.
  • Ximodo nga gadxepeʼ ca xiiñiʼ ca ángel que.
  • Casi ruuyuʼ lu dibuju ca, xi biʼniʼ ca xiiñiʼ ca ángel que ora gúcacaʼ gigante.
  • Despué de Enoc, tu hombre nachaʼhuiʼ bibani lu Guidxilayú riʼ, ne xiñee gunnaxhii Dios laabe.

Xcaadxi guendarinabadiidxaʼ

  • Biindaʼ Génesis 6:1-8.

    Xiná Génesis 6:6 de modo zanda guniná o gusiecheʼ xpiaʼnu ladxidóʼ Jiobá.

  • Biindaʼ Judas 6.

    Xi rizíʼdinu yanna de ca ángel ni «qué niná ñaana ra bisaana Dios laaca». (1 Cor. 3:5-9; 2 Ped. 2:4, 9, 10.)