Biiyaʼ guiraʼ ni nuu lu sitiu riʼ

guyé lu índice

Historia 7: Ti hombre nadxibalú

Historia 7: Ti hombre nadxibalú
Enoc

DXI bidale binni ndaaniʼ Guidxilayú riʼ°la? stale de laacaʼ bíʼnicaʼ ni qué iquiiñeʼ casi biʼniʼ Caín. Peru ti hombre guca gadxé que laacabe. Hombre riʼ biree labe Enoc. Laabe gúcabe ti hombre nadxibalú. Guiráʼ ca binni bibani ca dxi stibe que gúcacaʼ binni qué iquiiñeʼ, peru laabe qué nusaanabe de ñúnibe ni na Dios.

Nannuʼ xiñee ca binni que bíʼnicaʼ puru si ni qué iquiiñeʼ°la? Bietenalaʼdxiʼ: Tu biʼniʼ de que Adán ne Eva cadi nuzuubacabe stiidxaʼ Dios ne gócabe de cuananaxhi ni Dios gudxi laacabe cadi gócabe. Ti ángel malu. Biblia ribee lá laabe Binidxabaʼ. Ne laabe nuube gácanu malu casi laabe.

Tuuxa ni gulaʼna ne biiti

Ti dxi Jiobá gúdxibe Enoc gabi ca binni que xiixa ni qué ñacaláʼdxicaʼ nucaadiágacaʼ. Ndiʼ nga guniʼbe: Ti dxi la? Dios zunduuxeʼ guiráʼ ca binni malu ca. Zándaca bichiichi ndiʼ ca binni que, ne laaca zándaca gucaláʼdxicaʼ ñuuticaʼ Enoc. Ngue runi, Enoc gúpabe xidé gúcabe ti hombre nadxibalú ti ganda gábibe ca binni que ni chiguni Dios.

Dios qué nudii diʼ lugar nibani Enoc stale iza lade ca binni malu que. Laabe bibánibe 365 iza si. Xiñee riniʼnu de que «365 si» yaʼ. Purtiʼ dxiqué la? ca hombre que nabé nadípacabe ne jma xadxí ribánicabe que ca hombre ni nuu yanna. ¡Dxandíʼ, Matusalén xiiñiʼ Enoc bibani 969 iza!

Ca binni ni cayuni cosa malu

Despué de guti Enoc la? ca binni que gúcacaʼ jma malu. Biblia na de que puru si ni qué iquiiñeʼ guníʼ íquecabe, ne ndaaniʼ Guidxilayú que guyuu stale guendaridinde.

Nannuʼ xi pur guyuu stálepeʼ guendanagana ca dxi que°la? Gúcani purtiʼ Binidxabaʼ biyubi ximodo chiné binni lu guendaquéiquiiñeʼ. Chiguidúʼyanu xi laani.

Génesis 5:21-24, 27; 6:5; Hebreos 11:5; Judas 14, 15.



Guendarinabadiidxaʼ

  • Ximodo ndiʼ guca Enoc gadxepeʼ.
  • Xiñee biʼniʼ ca binni de ca dxi stiʼ Enoc que puru si ni qué iquiiñeʼ.
  • Xi cani qué iquiiñeʼ biʼniʼ ca binni que. (Biiyaʼ lu dibuju ca.)
  • Xiñee naquiiñeʼ gaca Enoc nadxibalú.
  • Pabiáʼ dxi bibani ca hombre de dxiqué, ne pabiáʼ dxi bibani Enoc.
  • Xi guca despué de guti Enoc.

Xcaadxi guendarinabadiidxaʼ

  • Biindaʼ Génesis 5:21-24, 27.

    Ximodo guca yebar Enoc Jiobá. (Gén. 5:24.)

    Casi na Biblia, tuu nga hombre ni bibani jma xadxí, ne panda iza nápabe ora gútibe. (Gén. 5:27.)

  • Biindaʼ Génesis 6:5.

    Guti si Enoc que, pabiáʼ qué iquiiñeʼ guca ca binni que, ne ximodo nga zaquécani ca dxi stinu riʼ. (2 Tim. 3:13.)

  • Biindaʼ Hebreos 11:5, NM.

    Xi guenda stiʼ Enoc «uyulaʼdxiʼ Dios» ne xi guleendube. (Gén. 5:22.)

  • Biindaʼ Judas 14, 15.

    Ximodo zanda gaca ca xpinni Cristu nadxibalú casi guca Enoc ora guiniʼnécabe binni de Armagedón ni chigueeda ca. (2 Tim. 4:2; Heb. 13:6.)