Biiyaʼ guiraʼ ni nuu lu sitiu riʼ

guyé lu índice

Historia 3: Primé hombre ne primé gunaa

Historia 3: Primé hombre ne primé gunaa

XI gadxé rihuinni lu dibuju riʼ. Ngapeʼ, ca binni ni ruuyuʼ raríʼ. Primé hombre ne primé gunaa. Tu bizáʼ laacabe yaʼ. Dios. Nannuʼ tu labe la? Labe nga Jiobá. Ne hombre ne gunaa ca°la? biree lácabe Adán ne Eva.

Adán ne Eva nuucaʼ ndaaniʼ jardín de Edén

Jiobá bizaʼbe Adán sicaríʼ: gucuaabe yu de guidxilayú ne bizaʼbe ti cuerpu sin donda stiʼ ti hombre. Óraque la? bindúbibe ra xii hombre que, zaqué Adán bizulú bibani.

Dios gupa ti dxiiñaʼ ni guni Adán. Gúdxibe Adán quixhe lá guiráʼ clase maniʼ. Zándaca guníʼ ique Adán stale dxi para quixhe chaahuibe lá ca maniʼ que. Ora cayúnibe ngue la? biiyabe xiixa. Nannuʼ xii nga biiyabe°la?

Biiyabe ca mani’ ca ne xparéjaca’. Nuu elefante ne elefanta, ne nuu lión ne liona. Peru Adán qué gapa guiruti’. Ngue runi Jiobá bi’ni’ de que gasi Adán, zaqué guleebe ti biní xcustiá. Biquiiñebe custiá ri’ para biza’be ti gunaa ni beeda gaca xheela’ Adán.

¡Guizáʼ nayecheʼ guyuu Adán óraque! ¡Ne pabiáʼ nayecheʼ guyuu Eva pur nuu ndaaniʼ jardín sicarú que para guibani! Yanna maʼ zanda gápacabe xiiñicabe ne guibaninécabe laacaʼ nayecheʼ.

Jiobá gucalaʼdxiʼ nibani Adán ne Eva sin ñuu dxi ñáticaʼ. Gucaláʼdxibe ñúnicaʼ guidubi naca Guidxilayú riʼ sicarupeʼ casi jardín de Edén que. ¡Pabiáʼ biecheʼ Adán ne Eva ora guníʼ íquecaʼ gúnicaʼ ni yaʼ! Ñulaʼdxuʼ ñacaneuʼ ñaca Guidxilayú riʼ ti jardín sicarú la? Peru guendanayecheʼ stiʼ Adán ne Eva qué nindaa diʼ ni. Chiguidúʼyanu xiñee.

Salmo 83:18; Génesis 1:26-31; 2:7-25.



Guendarinabadiidxaʼ

  • Xi ruuyuʼ gadxé lu dibuju stiʼ historia 3 riʼ de lu dibuju stiʼ historia 2 yaʼ.
  • Tu bizáʼ primé hombre ne tu labe.
  • Xi dxiiñaʼ bidii Dios Adán.
  • Xiñee biʼniʼ Dios gasi Adán.
  • Pabiáʼ dxi ñanda nibani Adán ne Eva ne xi dxiiñaʼ gucalaʼdxiʼ Jiobá ñúnicabe.

Xcaadxi guendarinabadiidxaʼ

  • Biindaʼ Salmo 83:18.

    Tu láʼ Dios ne xi lugar nápabe laasibe lu Guidxilayú°riʼ. (Jer. 16:21; Dan. 4:17.)

  • Biindaʼ Génesis 1:26-31

    Xii nga últimu bizáʼ Dios lu xhoopaʼ gubidxa que ne ximodo nga gadxepeʼ ni bíʼnibe riʼ de stiʼ ca maniʼ°ca. (Gén. 1:26.)

    Xi guendaró bidii Jiobá binni ne ca maniʼ°ca. (Gén. 1:30.)

  • Biindaʼ Génesis 2:7-25

    Ximodo nga guca dxiiñaʼ gucuaa Adán de cuáquibe lá ca maniʼ que. (Gén. 2:19.)

    Ximodo racané Génesis 2:24 laanu guiénenu xi riníʼ ique Jiobá de guendaxheelaʼ, guendarusabixheelaʼ ne divorcio. (Mat. 19:4-6, 9.)