Biiyaʼ guiraʼ ni nuu lu sitiu riʼ

guyé lu índice

Primé hombre ne primé gunaa

Primé hombre ne primé gunaa

 Historia 3

Primé hombre ne primé gunaa

XI gadxé rihuinni lu dibuju riʼ. Ngapeʼ, ca binni ni ruuyuʼ raríʼ. Primé hombre ne primé gunaa. Tu bizáʼ laacabe yaʼ. Dios. Nannuʼ tu labe la? Labe nga Jiobá. Ne hombre ne gunaa ca la? biree lácabe Adán ne Eva.

Jiobá bizaʼbe Adán sicaríʼ: gucuaabe yu de guidxilayú ne bizaʼbe ti cuerpu sin donda stiʼ ti hombre. Óraque la? bindúbibe ra xii hombre que, zaqué Adán bizulú bibani.

Dios gupa ti dxiiñaʼ ni guni Adán. Gúdxibe Adán quixhe lá guiráʼ clase maniʼ. Zándaca guníʼ ique Adán stale dxi para quixhe chaahuibe lá ca maniʼ que. Ora cayúnibe ngue la? biiyabe xiixa. Nannuʼ xii nga biiyabe la?

Biiyabe ca maniʼ ca ne xparéjacaʼ. Nuu elefante ne elefanta, ne nuu lión ne liona. Peru Adán qué gapa guirutiʼ. Ngue runi Jiobá biʼniʼ de que gasi Adán, zaqué guleebe ti biní xcustiá. Biquiiñebe custiá riʼ para bizaʼbe ti gunaa ni beeda gaca xheelaʼ Adán.

¡Guizáʼ nayecheʼ guyuu Adán óraque! ¡Ne pabiáʼ nayecheʼ guyuu Eva pur nuu ndaaniʼ jardín sicarú que para guibani! Yanna maʼ zanda gápacabe xiiñicabe ne guibaninécabe laacaʼ nayecheʼ.

Jiobá gucalaʼdxiʼ nibani Adán ne Eva sin ñuu dxi ñáticaʼ. Gucaláʼdxibe ñúnicaʼ guidubi naca Guidxilayú riʼ sicarupeʼ casi jardín de Edén que. ¡Pabiáʼ biecheʼ Adán ne Eva ora guníʼ íquecaʼ gúnicaʼ ni yaʼ! Ñulaʼdxuʼ ñacaneuʼ ñaca Guidxilayú riʼ ti jardín sicarú la? Peru guendanayecheʼ stiʼ Adán ne Eva qué nindaa diʼ ni. Chiguidúʼyanu xiñee.

Salmo 83:18; Génesis 1:26-31; 2:7-25.