Biiyaʼ guiraʼ ni nuu lu sitiu riʼ

guyé lu índice

Ti gubaanaʼ ndaaniʼ guidxi Israel

Ti gubaanaʼ ndaaniʼ guidxi Israel

 Historia 47

Ti gubaanaʼ ndaaniʼ guidxi Israel

¡BIIYAʼ ni cucaachiʼ hombre ca ndaaniʼ lidxi! Ti lari galán, ti barra oro ne caadxi plata ni guleebe Jericó. Peru, xii ngue ñaca ne cani guleecabe Jericó que yaʼ. Rietenalaʼdxuʼ la?

Biquiiñeʼ ninitilú cani, ne ca oro ne plata ca ñécani ndaaniʼ tabernáculo stiʼ Jiobá. Peru ca binni ca qué nuzuubacabe stiidxaʼ Dios. Guláʼnacabe stiʼ Dios. Hombre ca láʼ Acán, ne cani nuuné laabe nga caadxi de ca binnilídxibe. Guidúʼyanu xi raca.

Despué de gulaʼnaʼ Acán ca ngue la? Josué ruseendabe caadxi hombre para chitindené ca de guidxi Hai. Peru runíticabe. Caadxi de laacabe rati, ne xcaadxi que ruxooñecaʼ. Josué nabé riuube triste, rindeteʼ íquebe, riníʼnebe Jiobá ne rábibe laa: Xiñee bidiuʼ lugar gaca ndiʼ pue.

Jiobá ricabi laabe: ¡Biasa! Israel maʼ bichee. Maʼ gucuaacabe cani naquiiñeʼ ninitilú o cani ñe ndaaniʼ tabernáculo stiʼ Dios. Maʼ guláʼnacabe ti lari sicarú ne caʼruʼ guiníʼcabe ni. Qué zuguaa ndaayaʼ laatu dede ora gunitilutu lari ca ne ni gulaʼnaʼ cani. Jiobá na de que zuluiʼbe Josué tuu nga hombre malu ca.

Ngue runi Josué ribidxi guiráʼ ca binni guidxi que, ne de ládecabe ribeebe Acán hombre malu que. Acán riníʼ: Maʼ bichee, ora biiyaʼ ti lari galán ne barra oro que ne ca plata que la? guyuaalaʼdxeʼ cani stale ne yebieeniáʼ cani. Zadxélatu guirani gaachiʼ ndaaniʼ lidxeʼ.

Ora ridxela cani ziyúbicabe que, ne rinécabeni ra nuu Josué la? laabe rábibe Acán: Xiñee guluuluʼ laadu lu guendanagana pue. ¡Yanna la? Jiobá chinduu lii luni! Óraque ca binni que ruchácabe guié Acán ne ca binnilidxi dede ráticaʼ. Ñee qué ruluíʼ nga laanu de que cadi chuʼ dxi guicaanu ni cadi stinu la?

Despué Israel ribiguetaʼ ridindené Hai sti biaje. Biaje riʼ la? Jiobá racané ca binni xquidxi, ne laacabe runi ganárcabe.

Josué 7:1-26; 8:1-29.