Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Modo guni predicarluʼ jma jneza: Biyubi modo guzulú guiníʼneluʼ binni ti ganda guni predicarluʼ laa

Modo guni predicarluʼ jma jneza: Biyubi modo guzulú guiníʼneluʼ binni ti ganda guni predicarluʼ laa

Gunda biʼniʼ predicar Jesús de manera informal ti gunaa samaritana purtiʼ primeru guníʼnebe laa de sti tema. ¿Ximodo zanda guizíʼdinu guzulú guinínenu binni neca qué runibiaʼnu laa yaʼ?

  • Guca nachaʼhuiʼ ne guniʼné binni. Neca maʼ bidxaga Jesús, bizulú guniʼné gunaa que. ¿Ximodo bíʼnibe ni yaʼ? Ra gunábabe laa nisa para guebe. Zanda guzulú guiníʼneluʼ binni ra ugapadiúxiluʼ laa ne gábiluʼ laa xiixa de clima, o de xiixa cosa guca cadi tan xadxí. Peru cadi guiaandaʼ lii, ni jma risaca nga guzulú guiníʼneluʼ binni, nga runi biyubi xiixa tema ni gucaa binni ca güiné lii diidxaʼ. Peru cadi guizaaláʼdxiluʼ pa que náʼ binni ca güiné lii diidxaʼ. Biʼniʼ stipa guiníʼneluʼ sti binni. Gunabaʼ Jiobá gudii valor lii (Ne 2:4; Hch 4:29).

  • Guyuu listu para guni aprovecharluʼ intiica oportunidad gápaluʼ para guiníʼneluʼ binni de ca noticia galán stiʼ Reinu, peru cadi gaca lúguluʼ. Bidii lugar stubi stubi binni ca güíʼ diidxaʼ. Pa gucaaluʼ laabe güibe diidxaʼ, zándaca qué zuni sentirbe galán ne zuchuugube lu diidxaʼ. Cadi guireeluʼ gana pa qué ñanda niníʼneluʼ laabe de Jiobá. Pa raca nagana para lii guni predicarluʼ, primeru biʼniʼ stipa guzulú guiníʼneluʼ binni sin guni predicarluʼ laa. [Bitiidiʼ videu 1 ne gunabadiidxaʼ cani cucaadiaga xi zanda guiziidicaʼ de laani].

  • Biyubi modo guni predicarluʼ ra gábiluʼ binni xiixa ni runi crenu ni zándaca gucaa laabe guinabadiidxabe. Ngapeʼ nga ni biʼniʼ Jesús: biyúbibe xi gábibe samaritana que ne laa bizulú gunabadiidxaʼ laabe. Ngue runi ora guniʼné Jesús laabe de Reinu la? cacabi si Jesús ca pregunta stibe. [Bitiidiʼ videu 2 ne gunabadiidxaʼ cani cucaadiaga xi zanda guiziidicaʼ de laani. Zacaca biʼniʼ né videu 3].