Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Pa guiree ti xcuidihuiiniʼ ora guxhidxinanu ti ra yoo

Pa guiree ti xcuidihuiiniʼ ora guxhidxinanu ti ra yoo

Pa guiree ti xcuidihuiiniʼ ora guxhidxinanu ti ra yoo la? guinabadiidxanu pa nuu bixhózebe o jñaabe, purtiʼ zacá zusihuínninu runi respetarnu laacaʼ (Pr 6:20). Pa gabi xcuidi ca laanu chuʼnu la? cadi naquiiñeʼ gúninu ni. Ne pa qué zanda guni tender bixhózebe o jñaabe laanu, guibiguétanu sti dxi.

Neca maʼ cadi ti xcuidi laabe, ni jma jneza gúninu nga guinabadiidxanu pa nuu bixhózebe o jñaabe. Pa qué gápacabe tiempu, guinabadiidxanu laabe pa rudiicabe lugar cuibe xi gúʼndabe. Pa nabe ya la? zanda guluinu laabe xiixa publicación o guluinu laabe sitiu jw.org.

Ora guibiguétanu ra nuu ti hombrehuiiniʼ o dxaapahuiiniʼ ni bisihuinni riuulaʼdxiʼ guiziidiʼ, gábinu laabe riuuláʼdxinu gunibiaʼnu bixhózebe o jñaabe. Zacá zusiénenu laacabe xiñee zigánnanu laacabe ne xiñee galán ca conseju ni rudii Biblia para ca familia (Sl 119:86, 138). Pa gusihuínninu nápanu respetu bixhózebe ne jñaabe la? zaníʼcabe galán de laanu ne zanácabe guinínenu tutiica de familia stícabe ora chigucheechenu diidxaʼ sti biaje (1Pe 2:12).