Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Nadxii Jiobá ca binni nayá

Nadxii Jiobá ca binni nayá

Stale binni rusiidiʼ xiiñiʼ quiʼbiʼ náʼ, gusiá cuartu stiʼ, gunduubaʼ ra yoo ne cuee guixi purtiʼ racalaʼdxiʼ gaca xiiñiʼ nayá. Peru Jiobá peʼ nga racalaʼdxiʼ gácanu nayá purtiʼ nácabe nayá (Éx 30: 18-20; Dt 23:14; 2Co 7:1). Ora rázenu guiráʼ dxi ne rusianu ra lídxinu rusisácanu Jiobá (1Pe 1:14-16). ¿Ximodo nuu ra lídxinu, calle stinu o deche lídxinu yaʼ? Nuu tu laa rusaʼbiʼ guixi lu carretera o ndaaniʼ parque, peru laanu ca xpinni Cristu rúninu stipa pur cadi gusáʼbinu guixi ratiica si ti ganda chuʼ planeta stinu nayá (Sl 115:16; Ap 11:18). Rusihuínninu nácanu binni nayá dede lu ca cosa ni jma nahuiiniʼ, ra cadi gusáʼbinu guiʼchiʼ o nailu stiʼ dxiñahuiiniʼ, lata nagaʼndaʼ ne yaala ratiica si. Racaláʼdxinu gusihuínninu cayúninu xhiiñaʼ Dios ne nácanu xpínnibe (2Co 6:3, 4).

DESPUÉ DE GÚʼYALUʼ VIDEU NI LÁʼ NADXII DIOS CA BINNI NAYÁ, ZANDA GUICÁBILUʼ CA PREGUNTA RIʼ:

  • ¿Xiñee nuu binni qué riná gusiá ca cosa stiʼ?

  • ¿Ximodo racané Ley ni bidii Jiobá Moisés gánnanu ximodo ruuyabe gácanu binni nayá?

  • ¿Ximodo zanda gusisácanu Jiobá sin guininu nin ti diidxaʼ?

¿Ximodo zanda gusihuinneʼ lu guiráʼ cosa runeʼ guiráʼ dxi nacaʼ nayá casi Jiobá?