Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Gúninu dxiiñaʼ en equipu ora guni predicarnu ti territorio ra riníʼcabe stale idioma

Gúninu dxiiñaʼ en equipu ora guni predicarnu ti territorio ra riníʼcabe stale idioma

Jma rucaadiaga binni mensaje stiʼ Reinu ora gunadiaga ni lu diidxaʼ gulené. Nga runi, zándaca lu Pentecostés stiʼ iza 33, bidii Jiobá lugar gunadiaga ca judíu «de adxé adxé guidxi» ca noticia galán riʼ lu diidxaʼ gulenecaʼ neca riniʼcaʼ sti idioma, casi hebreu o griegu (Hch 2:5, 8). Yanna riʼ, nuu congregación de gadxé gadxé idioma ni runi predicar ti territorio si. ¿Xi caquiiñeʼ ca publicador stiʼ ca congregación para guni predicarcaʼ guiráʼ binni sin guníticaʼ tiempu ne stipa o guchiiñacaʼ binni yaʼ?

  • Comunicación (Pr 15:22): Caquiiñeʼ chuʼ ca superintendente de serviciu de acuerdu ne guyúbicaʼ ti sistema jma galán para guiráʼ ca hermanu ti ganda guni predicarcaʼ. Zándaca guinabaʼ ca congregación de sti idioma laanu cadi guni predicarnu ca yoo ni nuu lu territorio sticaʼ pa nahuiiniʼ ni. Peru pa naroʼbaʼ territorio ca ne qué randa runi predicárcabe ni gatigá la?, zándaca guinábacabe laanu tiidinu guiráʼ ca yoo nuu lu territorio stícabe ne gábinu laacabe ora guidxélanu tuuxa ni gusihuinni interés (od-S yaza 93 párr. 37). O zándaca guinábacabe gacané congregación stinu laacabe para guidxela ca binni ni riníʼ idioma stícabe ti gápacabe ca dirección ca lu territorio stícabe (km 7/12 yaza 5, recuadru). Cadi guiaandaʼ laanu, zándaca ndaaniʼ ti yoo si riníʼcabe jma de ti idioma. Sistema ni iquiiñecabe para guni predicárcabe guidubi territorio stícabe naquiiñeʼ chinándani ni ná ca ley de protección de datos.

  • Gacanésaanu (Ef 4:16): Caquiiñeʼ chinándanu né stale cuidadu ca instrucción ni gudii superintendente de serviciu laanu. ¿Ñee rudiʼnu estudiu tuuxa ni qué riníʼ idioma stiʼ congregación ra nuunu la? Zándaca jma nagueenda guni progresar binni ca pa gábinu ti publicador de sti congregación o grupu nuu jma gaxha ne ni riníʼ stiidxabe gudii estudiu laabe.

  • Preparación (Pr 15:28; 16:1): Pa guidxélaluʼ ti binni ni riníʼ sti idioma lu territorio stiluʼ la?, biʼniʼ stipa pur guni predicarluʼ laabe. Para gaca prepararluʼ la?, guníʼ ique xi xcaadxi idioma riníʼcabe lu territorio stiluʼ ne biʼniʼ descargar Biblia ne chupa chonna videu ni nuu lu ca idioma ca. Laaca zanda iquiiñeluʼ aplicación JW Language para guiziidiluʼ modo ugapadiúxiluʼ lu xcaadxi idioma.