Biiyaʼ guiraʼ ni nuu lu sitiu riʼ

guyé lu índice

 MODO RÚNINU XHIIÑAʼ DIOS

Modo guni predicarluʼ jma jneza: Biʼniʼ revisita

Modo guni predicarluʼ jma jneza: Biʼniʼ revisita

XIÑEE RISACA NI. Stale de ca binni ni riuulaʼdxiʼ gucaadiaga ca noticia galán stiʼ Reinu, cuyúbicaʼ gánnacaʼ ni dxandíʼ de Dios (Isa 55:6). Para cadi gusaana de guiziidicabe, caquiiñeʼ guibiguétanu chupa chonna biaje. Cumu gadxé gadxé guendanagana nga ridxaagalú binni la? caquiiñeʼ guyúbinu modo chindanu ndaaniʼ ladxidóʼcabe. Para ganda gúninu ni la? caquiiñeʼ gaca preparar chaahuinu ne gánnanu xii nga ni racaláʼdxinu gusíʼdinu binni ca ora chigánnanu laa, ti ganda guzulú gudiʼnu estudiu laabe.

XIMODO GÚNILUʼ NI:

  • Biʼniʼ stipa pur guibiguétaluʼ nagueenda, zándaca chupa chonna gubidxa despué (Mt 13:19).

  • Guca nachaʼhuiʼ ne gupa respetu laabe. Cadi guidxíbiluʼ.

  • Bigapadiuxi laabe. Guniʼné laabe pur nombre stibe. Gudxi laabe bibiguétaluʼ para: guicábiluʼ ti pregunta, gusaananeluʼ laabe ti revista nacubi, guluiʼluʼ laabe sitiu ni nápanu lu Internet, guluiʼluʼ laabe ti videu o guluiʼluʼ laabe ximodo rudiʼnu estudiu binni. Pa binni ca gabi lii racalaʼdxiʼ ganna jma de sti tema la? biʼniʼ stipa pur guiníʼneluʼ laabe de tema ca (Flp 2:4).

  • Né ti textu de lu Biblia o ti publicación bizee biidxiʼ ni bidxiibaluʼ ndaaniʼ ladxidóʼ binni ca (1Co 3:6). Biyubi gaca xhamíguluʼ laabe.

  • Gunabadiidxaʼ xiixa ni guicábiluʼ ora guibiguétaluʼ.